Patay ang isang Human Resource Personnel ng Triple J Warehouse matapos barilin ng hindi pa nakikilalang suspect mag aalas siete kagabi sa National Highway ng Barangay Banay-Banay Cabuyao Laguna.

Nagtamo ng tama sa ulo ang biktima na kinilalang si Maricel Duran 31 anyos at Tubong Alitagtag Batangas.

Sa initial na imbestigasyon ng Cabuyao Police nag-aabang ng jeepney ang biktima pauwi ng bigla na lang lapitan sa likuran ng nakabonet na suspect at saka pinaputukan sa ulo.

Ayon pa sa imbestigasyon posible umanong may kinalaman sa trabaho ang motibo ng pagpatay matapos umanong tanggalin sa trabaho ang ilang empleyado.

Pinagaaralan na rin ang mga kuha ng cctv malapit sa lugar upang makatulong sa isinasagawang imbestigasyon laban sa dalawang suspect.

(Sherwin Culubong / UNTV Correspondent)

Tags: barilin, Cabuyao, HR Personnel, Laguna, patay