Labinwalong taon OFW ang apat na put pitong taong gulang na si Venancio dela Cruz.
Kahit hindi nakapagtapos ng kolehiyo, nakahanap si Venancio ng trabaho sa Qatar at Saudi Arabia
Nang matapos ang kanyang kontrata, umuwi na ito upang makasama ang pamilya, sa pagaakalang dahil sa experience, mas madali siya makahahanap ng trabaho sa Pilipinas.
Ngunit, tatlong taon nang walang trabaho si Venancio.
Sa ngayon, ang inipong pera mula sa pagiging OFW ang kanyang ginagamit na pangtustos sa kanilang pangangailangan.
Ang fresh graduate naman na si Rafael garcia bagaman nakapagtapos ng kursong Information Technology o IT, hirap makahanap ng trabaho.
Ayon sa Department of Labor and Employment o DOLE, may mga programa ang pamahalaan upang matulungan ang mga katulad ni Rafael at Venancio.
Sinabi ni DOLE USec. Nicon Fameronag, maaari silang pumunta sa job fairs ng ahensya, at bisitahin ang online portal na philjob.net kung saan makikita ang libu-libong trabaho.
Maaari din silang sumailalim sa training ng Technical Education and Skills Development Authority o TESDA at kumuha ng certification upang mabuksan ang ibang oportunidad para sa kanila.
Ayon sa Department of Labor and Employment, tumaas ang bilang ng mga pilipinong may trabaho nitong 2015 mula sa 92.9% noong 2010, umakyat ang bilang sa 94.4% noong 2015, ang pinakamataas na naitalang employment rate sa nakaraan na sampung taon.
Pinakamaraming naidagdag na trabaho sa services sector na may 21, 676, particular sa wholesale ang retail trade at repair ng motor vehicles and motorcycles, habang pinakamababa naman sa agricultural sector na nadagdagan lang ng 11, 761.
Naniniwala si USec Fameronag na ang pagtaas ng employment rate ay bunga ng maayos na pagiimplementa ng pamahalaan ng labor laws sa bansa.
Dulot din ito ng mga programa katulad ng Government Intensive Program o GIP at ang Special Program for the Employment of Students o SPES na siyang nagbibigay ng trabaho sa loob ng bagong graduate at kahit sa mga hindi pa nagsisipagtapos.
Kaya naman payo ni USec Fameronag sa mga estudyante, bago kumuha ng kurso sa kolehiyo, sumailalim muna sa career guidance counseling sa kanilang paaralan
Ayon sa DOLE, magiging in demand sa bansa hanggang sa taong 2020 ang mga trabaho sa agribusiness katulad ng poultry workers at food processors.
Gayun rin para sa mga engineer, production crew, accountant, web developers, animators sa mga therapists, nurses, surgeon.
In demand din ang mga trabaho sa hotel, restaurant and tourism, wholesale retail trade, banking and finance, mining, transport and logistics, manufacturing, real estate, power and utilities at education.
(Joyce Balancio/UNTV News)
Tags: Department of Labor and Employment, DOLE USec. Nicon Fameronag, Technical Education and Skills Development Authority
Good news sa mga kasambahay sa Metro Manila!
May ipatutupad na 1,500 na umento sa minimum na pasahod sa inyo bago matapos ang taon ayon sa Department of Labor and Employment (DOLE).
Ayon kay Labor Secretary Silvestre Bello III, aprubado na ng regional wage board ang 5,000 pesos na minimum na sahod ng mga kasambahay. Hinihintay na lamang aniya ang pormal na umpisa ng implementasyon nito.
Muli ring nagpaalala ang kalihim sa mga employer na dapat kumpleto ang benepisyo ng kanilang mga kasambahay gaya ng SSS, Philhealth at Pagibig.
“Iyong regional tripartite wage board here in Metro Manila submitted a wage adjustment of I think 1,500 for Metro Manila so what originally was 3,500 for our kasambagay in Metro Manila it is now P5,000,” ani Silvestre Bello III, Labor Secretary.
(Aiko Miguel | UNTV News)
METRO MANILA, Philippines – Pinirmahan na noong Lunes, May 1, 2019 sa mismong araw ng paggawa ang batas ukol sa Expanded Maternity Leave para sa mga manggagawang babae na manganganak.
Sa ilalim ng batas, lahat ng mga manggagawang ina sa gobyerno at private sector ay binibigyan na isandaan at limang (105) araw na paid maternity leave at karagdagang labing limang araw na paid leave para naman sa mga single mother.
“Dapat i-appreciate yan ng mga employer alam mo kung bakit. This expanded maternity leave is intended to improve and ensure the health of our lady worker. Ang mga employers, when they hire workers they rise on the basis of their competence and integrity, hindi yun sa buntis o sa ganda its on the confidence and integrity of the worker kaya yung dagdag na araw na kanilang leave it should not be a concern of our employer. Mayroon naman tayong inspectorial power pwede naming inspeksyunin yan atsaka may anti-gender discrimination law,” pahayag ni Labor Secretary Silvestre Bello III.
Sa Expanded Maternity Leave maaari ay pang mag-extend ng dagdag na tatlumpung (30) araw ngunit walang bayad, kung magbibigay ng writng notice ng mas maaga ng 45 days bago matapos ang maternity leave nito.
(Leslie Huidem | UNTV News)
Tags: Department of Labor and Employment, Expanded Maternity Leave Law, Sec. Silvestre Bello III
MANILA, Philippines – Inilabas na ng Department Of Labor And Employment (DOLE) ang implementing rules and regulations para sa Telecommuting Act o mas kilala bilang work-from-home scheme.
Sa ilalim ng batas, maaaring makapagtrabaho mula sa kanilang bahay o sa labas ng opisina ang isang empleyado ng pribadong sektor.
Ayon kay Labor Secretary Silvestre Bello III, “Bahagi ng panuntunan na hindi dapat bababa sa minimum na pamantayan sa paggawa na itinakda ng batas.”
Kasama na rito ang oras ng pagta-trabaho, tamang bayad, sapat na araw ng pahinga, leave at social benefits at iba ang karapatan ng isang empleyado.
Ang naturang batas ay magiging epektibo labing limang araw matapos itong mailathala.
Tags: Department of Labor and Employment, DOLE, Implementing Rules and Regulations, work- from-home scheme
