Ilang flights sa Ninoy Aquino International Airport  o NAIA ang nagkansela ngayong unang araw ng taong 2018 dahil sa sama ng panahon.

Sa abiso ng Manila International Airport Authority o MIAA, umaabot pa sa 14 ang hindi nakabyaheng eroplano dahil sa masamang lagay ng panahon.

Kabilang sa mga apektado ang byaheng Manila-Legazpi-Manila, Manila-Roxas-Manila, Manila-Masbate-Manila at Manila-Siargao-Manila. Kasama sa mga nagkansela ng flights ang PAL Express, Cebu Pacific, Cebgo at Skyjet.

Pinayuhan naman ng MIAA ang mga apektadong pasahero na makipag-ugnayan sa airline company para sa rebooking ng flight o refund ng pamasahe.

Tags: 14 flights, kanselado, NAIA