Isang daan at tatlumpu’t-anim na indibidwal kabilang ang labing-limang menor de edad ang hinuli ng mga otoridad sa isinagawang Simultaneous Police Operation sa Parañaque City pasado alas onse kagabi.
Ayon sa PNP Parañaque, lumabag ang karamihan sa mga ito sa iba’t-ibang city ordinances kagaya ng illegal gambling, drinking in public places at half naked. Habang ang ilan ay inaresto kaugnay ng ilegal na droga at may standing warrant of arrest.
Ayon kay Police Senior Superintendent Jemar Modequillo ang mga hinuli ay una ng nabigyan ng warning ng mga pulis. Pinagsabihan din ni Modequillo ang mga magulang na sumundo sa mga hinuling menor de edad dahil sa curfew.
Samantala, dalawampu’t-dalawang motorsiklo ang kinumpiska ng otoridad dahil wala itong mga dokumento kaya’t sasailalim ito sa verification.
Patuloy ang pagpapaalala ng Parañaque City Police na ang paglabag ng ordinansa ay may karampatang multa o pagkakulong.
(Asher Cadapan Jr. / UNTV Correspondent)
Tags: 136 indibidwal naaresto, Parañaque City, Simultaneous Police Operation
Pansamantalang nakararanas ngayon ng water service interruptions ang ilang lugar sa Bacoor, Paranaque, Las Piñas at Muntinlupa City.
Ayon sa Maynilad, tatagal ito hanggang mamayang alas tres ng hapon .
Sa Bacoor City Cavite, apektado ng water service interruptions ang bahagi ng Barangay Molino Queensrow at san Nicolas.
Sa bahagi naman ng Barangay Almanza Uno, Pamplona, Pilar, Pulang Lupa, Talon at BF International sa Las Piñas City.
Sa Muntinlupa, apektado naman ang ilang bahagi ng Barangay Alabang at Ayala, Alabang.
Habang bahagi naman ng BF Homes sa Paranaque City.
Sa parking lot na ito sa loob ng isang mall sa Parañaque City isinagawa ng mga otoridad ang buy bust operation bandang alas singko ng hapon kahapon.
Target ng operasyon si Johnvhen Arnaiz o alyas bossing na dating miyembro ng Philippine Army ngunit naaresto rin ang dalawa pang kasama nito na sina Valentin Arnaiz at Joseph Cabatbat.
Nakarating sa mga tauhan ng Regional Drug Enforcement Unit ng National Capital Region Police Office ang impormasyon kaugnay sa pagbebenta umao ng shabu ni Arnaiz.
At nang makumpirma ng mga operatiba ang iligal na aktibidad ng suspek ay nagsagawa na ang mga ito ng buy bust operation. Nasabat sa mga suspek ang apat na plastik na pakete na naglalaman ng nasa dalawang daang gramo ng hinihinalang shabu. Nagkakahalaga umano ito ng higit isang milyon at tatlong daang libong piso.
Nakuha din sa mga suspek ang isang kwarenta y singkong kalibre ng baril, mga bala at ang buy bust money.
Ayon pa kay Eleazar, natutunan ni Arnaiz ang kalakalan ng iligal na droga nang nakulong ito dahil sa mga kasong pagpatay. Nang ma-dismiss ang mga kaso at nakalaya nitong Mayo ay nagbenta na umano ito ng shabu.
Posibleng maharap ang suspek sa kasong paglabag sa Republic Act 9165 o ang Comprehensive Dangerous Drugs Act of 2002.
( Asher Cadapan Jr. / UNTV Correspondent )
Tags: Parañaque City, Philippine Army, shabu
Isang dating miyembro ng Philippne Army ang naaresto sa buy bust operation ng PNP sa parking lot sa loob ng isang mall sa Parañaque City, alas singko ng hapon kahapon.
Target ng operasyon si Johnvhen Arnaiz o alyas Bossing dating sundalo na nagbebenta umano ng shabu.
Nang makumpirma ng mga operatiba ang iligal na aktibidad ng suspek ay nagsagawa na ang mga ito ng buy bust operation.
Naaresto rin ang dalawa pang kasama ni Arnaiz na sina Valentin Arnaiz at Joseph Cabatbat.
Nasabat sa mga ito ang apat na plastik na pakete na naglalaman ng nasa dalawang daang gramo ng hinihinalang shabu. Nagkakahalaga ito ng higit isang milyon at tatlong daang libong piso
Nakuha din sa mga suspek ang isang kwarenta y singkong kalibre ng baril, mga bala at ang buy bust money.
Mahaharap ang suspek sa kaso ng paglabag sa Republic Act 9165 o ang Comprehensive Dangerous Drugs Act of 2002.
Tags: Parañaque City, Philippine Army, shabu
