Sa kabila ng siksikan at napakaraming mga tao ang naglipana sa Divisoria ngayong araw, mahina ang benta ng mga nagtitinda ng paputok dito sa Divisoria dalwang araw bago ang pagpapalit ng taon.
Ayon sa mga vendor malaki ang ibinaba ng kanilang benta ngayon, kumpara noong nakaraang taon.
Anila pangunahung dahilan nito ay ang paulit-ulit na panawagan ng pamahalaan sa pag-iwas sa paputok.
Upang hindi malugi at mabawi ang pahunan ibinagsak na nila ang presyo ng paputok.
Ang pailaw gaya ng roman candle ay ibinebenta ng 3 for P100.
Ang mas maliit dito na tinatawag na “mabuhay” P10 per box.
Ang fireworks naman kung kanilang tawagin ay mabibili sa halagang P250 hanggang P800.
Kaharamihan naman sa mga mamimili mas pinipili ang fountain na 3 for P100 hanggang P250 ang isa.
Ayon sa mga mamimili mas pinili nila ito dahil ito ay pailaw lamang at hindi naman pumuputok.
Ang ilang magulang naman upang maiwasan ang aksidente sa kanilang mga anak bumili na lamang ng mga torotot na nagkakahalaga ng P5 hanggang P25.
Samamatala mahigpit na panawagan ng doh sa ating mga kababayan ang pagiwas sa paggamit ng paputok sa pagsalubong sa pagpapalit ng taon.
Sa tala ng DOH umabot sa 351 ang fire related injuries sa pagsalubong sa 2015 mas mababa ito ng 30% kumpara sa 578 firecracker related cases noong 2014.
Una naring nagpaalala ng mga doktor sa publiko na sakilang kayo ay maputukan, linisin ang sugat gamit ang sabon sa running water.
Ibalot ito sa malinis na tela at saka dalhin sa pinakamalapit na ospital upang hindi maimpeksiyon.
(Grace Casin/UNTV News)
METRO MANILA – Hindi na muna maaring gamitin ang torotot bilang pampaingay sa darating na pagpapalit ng taon dahil may banta pa rin ng Covid-19.
Ayon sa Department Of Health (DOH), ang paggamit ng mga ganitong uri ng pampaingay ay paraan para maikalat o maihawa sa iba ang Covid-19 o iba pang sakit
“This year let us work together to get this number as low as possible maliban sa paputok iwasan natin ang mga paggamit ng mga torotot at mga katulad nito upang mapigilan natin ang posibleng pagkakahawa ng covid-19 at iba pang sakit.” ani DOH Sec Francisco Duque III.
“Ang isang kakaiba ngayon, huwag gumamit ng pampaingay na gumagamit sa bibig that will cause transfer of saliva, mga pito, mga torotot. Bawal po yan. Kailanagn naka mask pa rin tayo at nagso- social distance” ani DOH Usec Myrna Cabotaje.
Ayon sa DOH, gumamit muna ng sa ngayon ng mga pampaingay gaya ng kaldero , tambol o marakas kaysa pito o torotot. Nguni’t huwag ding kalilimutan na magsuot pa rin ng mask, face shield at iwasang magkumpulan.
“We have already definitely come along way in the Covid-19 response as a nation I urge to not sqauander our gains in this year’s holiday season. Let us contiue to practice minimum public health standards and celebrate safely” ani DOH Sec Francisco Duque III.
Target din na maabot ng pamahalaan ngayong taon ang zero fireworks related injuries, kaya tuloy pa rin ang iwas paputok campaign ng department of health sa gitna ng pandemya. 35% ang ibinaba ng fireworks-related injuries noong taong 2019 kumpara sa kaparehas na taon sa taong 2018.
Dahil sa umiiral na Executive Order no. 28 o regulation at control ng mga firecrackers at iba pang pyrotechnic devices sa bansa. Ang pinapayagan lang ay mga community fireworks display
Samatala, ayon naman sa dti sakaling bibili ng paputok o fireworks para sa pamilya ay tiyaking lisensyado ito ng ahensya
“Tatlo lang po as of today, as we speak ang licensed manufacturers natin ito iyong tiger, pegasus at dragon so all others na makiikita niyo sa merkado ibig sabihin po unlicensed sila at hndi dumaan sa testing ng bps .. Kaya huwag niyo pong bilhin dahil it’s not gping to be safe for you.” ani DTI Usec Ruth Castelo.
Sa kabilang banda, hindi hinihikatyat ng DOH ang publiko na gumamit ng anomang uri ng paputok lalo na ngayong umiiral pa rin na pandemya at hindi inirerekomenda ang mga pagtitipon sa isang lugar.
(Aiko Miguel | UNTV News)
METRO MANILA, Philippines – Malungkot at nanlulumo ang ilang tindera sa Ylaya Street sa Divisoria kaninang umaga, Nov. 11, dahil hindi na muna sila pinapayagang makapaglatag ng kanilang mga paninda sa pwesto na ibinigay sa kanila ni Manila Mayor Francisco “Isko” Moreno Domagoso.
Hindi maipinta ang mukha ng Alkalde sa pagkadismaya dahil sya pa ang nasurpresa nang mag-surprise inspection ito sa lugar kaninang pasado ala-singko ng umaga dahil sa tambak at halos gabundok na basura.
Depensa ng mga tindera, hindi naman sa kanila galing ang mga basurang ‘yun kundi sa mga nagtitinda na pang-gabi. Palagi naman daw silang naglilinis sa kanilang pwesto tuwing umaga.
“Yung basura po, ikinagalit nyo po sa pang-gabi po yun,” ayon kay Siony Isidro isang vendor.
Si Aling Rose Barado na labing limang taon ng nagtitinda sa Ylaya, aabot umano sa sampung libong piso na halaga ng souvenir items ang nakumpiska sa kaniya kanina.
“Kagaya nyan yung mga paninda namin nakuha paano na kami ngayon, wala na po kami pagkakakitaan sana sinabi po sa amin na magki-clearing para ‘di nasakay sa truck,” ani Rose Barado, vendor.
Si Roan Edquila na sa Divisoria lumaki sa pagtitinda ay aabot sa walong libo na halaga ng panindang mga kurtina, tubig kasama ang latagan nya na bakal ang kinumpiska.
“Mayor sana ibalik nyo na yung banggit dito sa Ylaya. Dito lang po kami nabubuhay,” ani Democrito Bangerigan, Jr., vendor.
“Syempre namumuhunan, nababaon sa utang, ito lang po pinagkukunan namin ng pang araw-araw na gastos. Tuwing ganito nililinis naman po namin basura namin. “Di naman po kasalanang ng lahat ng mga vendor yun,” ayon kay Roan Edquila, vendor.
Nanawagan din ang mga ito sa kanilang kapwa tindera na pang-gabi na sumunod sa pagpapanatili sa kalinisan para hindi sila nadadamay.
Samantala nilinaw din ng Alkalde na mali ang napababalitang pinapayagan ng bumalik ang mga nagtitinda sa kalsada sa Divisoria.
Ayon sa Alkalde, kagagawan ng mga tinatawag na organizer ang pagpapakalat ng balita na ito upang makapangikil muli sa mga tindera.
Babala ng Alkalde, huwag maniniwala sa mga ito at tanging bente pesos lamang sa araw at bente pesos lang sa gabi ang sinisingil ng lokal na pamahalaan sa mga pinapayagang pwesto.
(Bernard Dadis | UNTV News)
Tags: Divisoria, Mayor Isko Moreno Domagoso, Yorme
Metro Manila, Philippines – Hindi makapaniwala si Manila Mayor Isko Moreno Domagoso sa kanyang nadatnan sa bahagi ng Ylaya Street sa Divisoria kaninang umaga, Nov. 11, 2019. Bundok na basura na iniwan ng mga night vendor ang tumambad sa kanya. Halos hindi makapagsalita sa pagkadismaya si Yorme sa kanyang nakita at naabutan.
Maya-maya pa ay hindi rin nito napigilang maglabas ng galit sa kawalan ng disiplina ng ilang mga nagtitinda sa Divisoria.
“Kayo ba ay hindi nahihiya? O talagang baboy rin kayo sa bahay? Kailangan ko pa kayong sorpresahin. Pinaghahanap buhay ko na nga kayo,” ani Manila Mayor Isko Moreno.
At kahit anong bawi ang gawin ng ilan sa mga vendor naabutan niya sa lugar, tila wala sa mood ang Alkalde upang makipag-usap sa kanila.
Binati ito ng isang vendor ng good morning Mayor ngunit sinagot ito ng, “Walang magandang umanagang ganyan!
Bunsod nito, nagpasya si Mayor Isko na ipatigil na ang mga nagtitinda sa gabi.
“ ‘Di ba pinapayagan natin sila sa gabi para makapagtinda sila? Kung ganyan rin lang ang iiwan nila sa atin araw-araw, oh di tigil na silang lahat!” Dagdag ni Mayor Isko Moreno.
Mahigpit rin niyang ipinagbilin sa lahat ng police station sa lugar na bente kwatro oras na bantayan ang mga kalsada sa Divisoria partikular ang Ylaya upang matiyak na hindi na makababalik ang mga vendor dito sa gabi.
(Asher Cadapan, Jr.| UNTV News)
Tags: Divisoria, Mayor Isko Moreno, Yorme
