Dalawampu’t tatlo ang nasawi habang mahigit pitumpu naman ang nasugatan sa pag-atake ng suicide bomber sa isang governtment office sa Northern Pakistan.
Inako ng Taliban insurgents ang pambobomba sa opisina ng National Database and Registration Authority o NADRA na siyang nag i-issue ng government id cards.
Ayon sa mga otoridad, isang suicide bomber na nakasakay sa isang motorsiklong puno ng pampasabog ang bumangga sa opisina kung saan maraming tao ang nakapila.
Itinaas naman ng Department of Foreign Affairs ng alert level 1 sa naturang bansa o precautionary phase dahil sa sunod-sunod na kaguluhan doon.
Pinapayuhan ang ating mga kababayan sa lugar na mag ingat.
Kung kinakailangan ng tulong ay makipag ugnayan lamang sa embahada ng pilipinas sa islamabad sa House no. 7-A Kohsar Road Sector F-7/2, Islamabad, Pakistan.
Maari ring tumawag sa kanilang hotline numbers o mag email sa islamabad.pe@dfa.gov.ph.
Sa kasalukuyan, nasa 1, 284 na Pilipino ang nasa Pakistan.
Tags: 20 patay, government office, pag atake, Pakistan, suicide bomber
Ipinagutos ng kataas-taasang hukuman sa syudad ng Peshawar sa Pakistan na muling i-ban ng Pakistan Telecom Authority (PTA) ang social media application na TikTok sa buong bansa matapos itong makatanggap ng ilang reklamo na umano’y immoral at hindi angkop na mga content sa relihiyong Islam.
Matapos na magsagawa ng pagdulog ang Peshawar High Court sa pangunguna ni Chief Justice Qaiser Rashid Khan at matapos ang diskusyon ukol dito, inilarawan ng Chief Justice ang Tiktok na “hindi katanggap-tanggap” sa pamayanang Pakistani.
Susundin naman ng PTA ang nasabing court order sa pagbabawal ng TikTok sa buong bansa ayon sa tapagsalita nito na si Khurram Mehran.
Ayon naman sa pangasiwaan ng TikTok, may mga “guidelines” umano ang app na nagpi-filter at nagmo-monitor sa mga video content nito.
Ito na ang pangalawang beses na ma-ban ang nasabing social media app sa bansa.
Nitong October ng nakaraang taon, na-ban din ng PTA ang TikTok dahil sa parehong dahilan pero makalipas ang sampung araw ay tinanggal naman agad ng PTA ito at siniguro ng management ng Tiktok na i-block ang mga mga account na mapapatunayang may mga malalaswa at imoral na mga content.
Sa ngayon ay nakaban na rin sa bansang India at sa Estados Unidos ang TikTok.
(Syrix Remanes | La Verdad Correspondent)
METRO MANILA – Half-day na lang ang pasok sa mga tanggapan ng pamahalaan sa ilalim ng Executive Branch Ngayong araw (October 31) ayon sa Malacañang.
Batay sa Memorandum Circular Number 69, simula, alas-12 ng tanghali mamaya ay suspendido na ang pasok sa mga opisina ng gobyerno. Ito ay upang bigyan ng pagkakataon ang mga kawani ng pamahalaang makapaghanda sa long holiday.
Hindi naman sakop ng naturang memo ang mga ahensya ng pamahalaang nakatalaga sa basic at health services, disaster preparedness at response at iba pang vital services.
Samanatala ipinauubaya na ng malakanyang sa pamunuan ng mga pribadong kumpanya at sa mga paaralan ang pagdedesisyon kung magdedeklara rin ang mga ito ng kalahating araw na pasok.
(Rosalie Coz | UNTV News)
Tags: government office, suspension
MANILA, Philippines – Pinabulaanan ng Armed Forces of the Philippines (AFP) ang lumabas na balita sa isang online news noong Sabado (August 10) na mayroon umanong 2 suicide bomber na nakalusot sa bansa at planong umatake sa mga simbahan sa Luzon.
Sa inilabas na statement ni AFP Spokesperson Brigadier General Edgard Arevalo, base sa affidavit na isinumite ni Victoria Sophia Sto. Domingo sa NBI- Counter Terrorism Division noong July 22, 2019, nakasaad doon na ang kanyang ama na si Diosdado Manolette Mortalla Sto. Domingo ang nag tip ng kasinungalingan sa mga otoridad at sinabing sila ay terorista. Dagdag pa ni arevalo na isa itong away pamilya.
Paalala niya sa mga media, i-validate na mabuti ang mga natatanggap na impormasyon bago ibalita upang hindi maghatid ng takot sa publiko.
Tiniyak din ni Arevalo na mahigpit ang ugnayan ng iba’t ibang ahensya ng gobyerno upang hindi malusutan ng mga nais na manggulo sa bansa.
(Lea Ylagan | Untv News)
Tags: AFP, suicide bomber, terrorist
