Grupo ng mga abugado sa Colombia, planong magsampa ng reklamo vs Miss Universe Organizers

by Radyo La Verdad | December 23, 2015 (Wednesday) | 3562

Planong magsampa ng reklamo ng isang grupo ng abogado sa Colombia laban sa mga organizer ng Miss Universe 2015 Pageant.

Ito’y matapos ng kontrobersiya sa pag-anunsyo ng winner sa coronation sa Planet Hollywood sa Las Vegas.

Ayon sa tweet ng Spanish lawyer na si Abelardo dela Espriella nakikipatulungan na sila sa iba pang abogado upang buoin ang isasampang reklamo.

Anila hindi lamang materyal kundi maging moral ang naging damage sa kanila ng nangyari sa kompetisyon.

Nitong lunes ay humingi ng paumanhin ang Miss Universe pPgeant sa nangyaring kalituhan sa announcement ng nanalong kandidata.

Sa inilabas na mensahe sa kanilang facebook page, humingi ng dispensa ang mga ito sa pagkakamaling nagawa ng host na si Steve Harvey.

Anila, hindi maiiwasan ang mga ganitong pangyayari lalo na at live na ipinapalabas ang coronation night.