Sasarhan bukas ang Roxas Boulevard Service Road upang bigyang daan ang pagdiriwang ng World AIDS Day.
Ang naturang event ay ipinagdiriwang tuwing unang araw ng Disyembre taon taon upang pagkaisahin ang buong mundo laban sa HIV at maglaan ng awareness program para sa kamalayan ng tao sa HIV.
Magkakaroon ng event sa Plaza Raja Sulayman, Remedios Street at sa South Drive, Rizal Park area.
Pinapayuhan ang mga motoristang tatahak sa Roxas Boulevard Service Road na gamitin ang Roxas Boulevard at M.H. Del Pilar street bilang alternatibong ruta.(Macky Libradilla/UNTV Radio Correspondent)
