Bukas na ang itinakdang promulgation ng Olongapo Regional Trial Court Branch 74 sa magiging hatol sa murder case na kinakaharap ni U-S Marine Lance Corporal Joseph Scott Pemberton kaugnay ng kasong pagpatay sa transgender na si Jeffrey Laude.
Dito malalaman kung guilty si Pemberton sa pagpatay kay Laude o kung ibaba ang kaso sa homicide batay sa mga iprinisintang ebidensya at testigo ng depensa at prosekusyon.
Noong nakaraang linggo pa sana gagawin ang promulgation sa kaso ni Pemberton ngunit hindi ito natuloy.
Sinabi naman ng PNP na mahigpit na seguridad ang kanilang ipatutupad sa paligid ng Regional Trial Court sa Olongapo City sa araw ng promulgation dahil sa posibleng pagsasagawa ng kilos protesta ng mga taga-suporta ng pamilya Laude.
