Kumpiyansa ang Philippine National Police Calabarzon na maitatala nila ang zero fire cracker at indiscriminate firing incident sa pagpasok ng taong 2018.
Bunsod nito, inatasan na ni Police Regional Office Director PCSupt. Ma.O Aplasca ang kaniyang mga tauhan na makipag-ugnayan sa mga local government officials hinggil sa kanilang kampaniya. Partikular na kanilang hihilingin sa LGU officials ang paghihigpit at pagbabantay sa mga ipinagbabawal na paputok sa kanilang mga lugar.
Maglalagay ng mga designated area kung saan maaaring manood ang publiko ng phyrotechnics sa pagpapalit ng taon. Noong nakaraang taon, nakapagtala ang PNP Calabarzon ng 229 na kaso ng tinamaan ng paputok sa rehiyon. Isa naman ang tinamaan ng ligaw na bala sa Batangas habang dalawa ang naaresto sa Rizal at Batangas dahil sa pagpaputok ng baril.
Hinihikayat ng PNP ang publiko na agad na magsumbong sa kanila sakaling may makita na sinomang magpapaputok ng baril sa kanilang lugar.
Samantala, mahigit 3200 mga pulis ang nakakalat sa mga matataong lugar tulad ng mga malls terminal at pantalan upang mapanatili ang kapayapaan sa buong rehiyon.
( Sherwin Culubong / UNTV Correspondent )
Tags: indiscriminate firing casualty, PRO-4A, zero firecracker
METRO MANILA, Philippines – Hindi seselyuhan Philippine National Police (PNP) ang baril ng mga pulis ngayong holiday season. Ayon kay PNP Chief PDG Oscar Albayalde, mas responsable na ang mga pulis sa ngayon dahil sa paulit ulit na paalala ng pamunuan ng Pambansang Pulisya laban sa indiscriminate firing.
Ayon sa hepe ng PNP, noong nakaraang taon nakapagtala sila ng zero indiscriminate firing incident sa hanay ng mga pulis. Ito rin ang kanilang target ngayong taon.
“Medyo napapahiya tayo kapag nakakakita sila ng pulis na may masking tape sa dulo. Tinatawanan tayo kung minsan kung bakit kailangan nating i-masking tape ang baril where in fact kung gusto mong iputok yun e pwede mo namang tanggalin yung masking tape,” ani PNP Chief PDG Albayalde.
Ayon pa kay Albayalde mahigpit ang kanilang polisiya sa indiscriminate firing. Sinumang pulis na mahuhuling lalabag dito ay kakasuhan at posibleng matanggal sa serbisyo. Maging ang immediate superior nito ay madadamay rin.
Samantala, ipauubaya na ng heneral regional directors kung papayagang mag-leave ang mga pulis ngayong holiday season. Ngunit tiniyak ng heneral na magsasagawa siya ng surprise inspections sa iba’t-ibang lugar sa bansa upang masigurong nagta-trabaho ang mga pulis.
(Lea Ylagan | UNTV News and Rescue)
Tags: indiscriminate firing casualty, new year, oscar albayalde, philippines naitonal police, PNP
Hinikayat ng Police Regional Office 4a ang mga drug personalities sa Calabarzon region na kusa nang sumuko at sumailalim sa Drug Rehabilitation Program ng pamahalaan.
Kasunod ito ng nabuong bagong drugs watchlist ng PRO 4A kung saan mahigit sa isang libong indibidwal ang napabilang sa listahan.
Pero ayon kay PRO 4-A Public Information Office Chief Psupt. Chitadel Gaoiran, mababa ito kumpara sa mahigit labing isang libong drug personalities na sumuko nang simulan Oplan Tokhang noong 2016.
Samantala, tuloy-tuloy naman ang rehabilitation programs para sa mga drug surenderer sa lalawigan ng Cavite.
Sa bayan ng Imus, umabot na sa mahigit 600 ang sumuko sa Oplan Tokhang ng Philippine National Police simula noong October 2017.
Ang mga ito ay sasailalim sa apat hanggang anim na buwang cognitive behavioral theraphy bilang bahagi ng recovery program ng lokal na pamahalaan. Nakapaloob dito ang psycho-social intervention at basic counselling.
Sakaling matapos ng mga surrenderers ang CBT ay may trabaho na ipagkakaloob sa kanila ang Imus City Government.
( Sherwin Culubong / UNTV Correspondent )
Tags: Cavite, drugs watchlist, PRO-4A
