Pinag-aaralan na ng Manila International Airport Authority (MIAA) na pagmultahin ang Xiamen airlines dahil sa pinsalang idinulot ng nasirang eroplano nito sa Ninoy Aquino International Airport (NAIA) noong isang linggo.

Ayon kay MIAA General Manager Ed Monreal, labing limang milyong piso ang initial estimate nilang maaaring bayaran ng naturang airline.

Ito aniya ay ilalaan sa ipinambayad sa manpower at rental cost ng mga equipment na ginamit upang alisin sa runway ang Chinese aircraft.

Bukod dito, ikino-konsidera rin nila ang landing at take-off fees ng nasa dalawang daang nakansela at na-divert na biyahe dahil sa insidente.

Tags: Chinese aircraft, MIAA, Xiamen Airlines