Isa si X Factor Australia Season 6 champion Marlisa Punzalan sa mga nagpatunay ng husay ng talentong Pilipino sa international scene.
Sa audition pa lamang ay pinahanga na ni Marlisa ang mga hurado ng pamosong talent show tulad ng international artist na si Ronan Keating.
Siya ang pinakabatang nagwagi sa patimpalak sa edad na kinse. Mahigit tatlong taon matapos ang kanyang pagkapanalo, balik Pilipinas ang disi-otso anyos na Filipino-Australian Singer para sa kanyang Filipino fans.
Naging inspirasyon sa marami ang big win ni Marlisa kung kayat may payo naman siya sa mga nangangarap maging singer tulad niya.
Si Marlisa ay isa sa mga naging guest performers sa 2million x 2 thanksgiving celebration ng WISH Fm sa kanilang 2 million youtube subscribers.
Aminado naman ang young singer na fan siya ng WISH.
( Leslie Longboen / UNTV Correspondent )
Tags: Marlisa Punzalan, WISH, X Factor
DUBAI, UAE – Sa harap ng mahigit 4,500 na Pilipino at international fans ay muling ipinakita ng Asia’s Phoenix na si Morisette ang kaniyang singing prowess.
Sa kabila ng bahagyang pagkawala ng boses ng rising diva bago ang show, isang all-out performance pa rin ang ibinigay nito para sa kanyang mga fans. Bawat kanta ay tinilian ng mga taga-suporta nito.
Pinaka-inabangan din ang live music performance ni Morisette sa mga Wishclusive performance niya sa pambansang Wish Bus na nagpatrending sa kaniya hindi lang sa Pilipinas kundi maging sa ibang bansa.
Highlight din sa concert ang duet nila ng special guest at singer-actor na si Sam Concepcion. Nagpakitang-gilas din ang Wishful 5 sa kanilang unang out-of-the country performance na nagsilbing front act sa concert.
Malaki naman ang pasasalamat ni Morisette sa kanyang mga tagasuporta, Wish 107.5 at sa La Verdad Events Management sa tagumpay ng kaniyang kauna-unahang major international concert.
Ang Dubai ay ang unang bansang binisita ni Morisette para sa kaniyang “Morisette is Made” international tour.
Labis namang ipinagmamalaki ng mga Pilipino sa UAE ang ipinakitang husay sa pagkanta at pag-perform ni Morisette dahil hindi lang sila ang ang napabilib ng Pinay artist kundi maging ang ibang lahi sa Middle East.
( Nina Bascon / UNTV Correspondent )
Photo: Wish 107.5/ Photoville International
Tags: Dubai, Morisette is Made, WISH
Isang malaking treat sa music fans ang pagbabalik Pilipinas ng 90s American pop band na Stephen Speaks.
Sakay ng pambansang Wish Bus, inawit ng front man nito na si Rockwell Ryan Ripperger ang isa sa biggest hits ng banda, ang ‘Passenger seat’. Pinakilig din niyang muli ang kanyang fans sa awiting ‘Out of my league’.
Bukod sa pagbabahagi ng kanyang musika, nagsagawa rin si Ripperger ng public service sa bansa. Plano rin nitong tumulong sa coral reef restoration sa Concepcion, Iloilo.
Narito rin sa bansa ang front man ng Stephen Speaks para sa kanyang ‘Alive to fight’ tour. Sa WISH Fm niya rin inawit sa kauna-unahang pagkakataon sa radyo ang kanyang bagong single.
( Leslie Longboen / UNTV Correspondent )
Tags: Pilipinas, Stephen Speaks, WISH
