Ang Wish 107.5 bus ay ang nag-iisang roving music bus sa buong mundo na naglalayong mailapit ang musika sa mga tao.
Gamit ang mga makabagong audio and video facilities, nabibigyan ng one-of-a kind musical road trip ang mga local at international artist na sakay nito.
Habang ang mga impromptu spectators naman ay nagkakaroon ng pagkakataong makapanood ng isang live mini-concert ng libre.
Kaya naman marami ang humahanga sa orihinal na konseptong ito na tunay namang pang-world class.
At dahil sa patuloy na pagsikat ng Wish fm bus, hindi lamang sa bansa kundi maging sa ibayong dagat, lalo ring dumarami ang mga nais maka-experience na magperform dito.
Nakapag-perform na sa Wish bus ang mga kilalang artists tulad nina Martin Nievera, Lani Misalucha, 4th Impact at Rex Smith.
Hindi naman nagpahuli su Mr. Pure Energy, Gary V na umawit ng ilan sa kanyang mga sikat na awitin.
Naniniwala si Gary Valenciano na magandang venue ang Wish bus upang makapag perform at ma-discover ang magagaling na mga filipino artist.
Samantala, inia-upload naman ang mga “wishclusive” performance sa Wish 1075 official Youtube channel na umaani ng iba’t ibang reaksyon sa publiko hindi lamang mula sa mga Pilipino kundi maging sa mga banyaga kaya hindi nakapagtataka na ang wish 107.5 ang number one fm Youtube channel sa bansa.
Sa ngayon ay mayroon na itong 265-million views and counting.
Ang Wish Youtube channel rin na mayroon nang 704,000 youtube subscribers ang itinanghal ng Youtube Philippines na highest gainer ng mga bagong subscriber noong nakaraang taon, ito ay matapos na makapagtala ng 439, 407 new followers o subscribers noong 2016.
(Mon Jocson / UNTV News and Rescue)
Tags: wish 107, wish 1075 bus
Sa loob lang ng mahigit dalawang taon mula ng ilunsad ang natatanging FM station sa bansa noong Hulyo ng taong 2014, umabot na sa isang milyon ang youtube subscribers ng naturang istasyon, ang Wish 107.5.
Usap-usapan din ng mga netizens ang mga wishclusive video na gabi-gabing inaabangan ng mga wishers.
Sa kasalukuyan ay mayroon nang mahigit limang daang video ang naturang youtube channel na nagkakaroon ng milyon-milyong views.
Ayon sa ulat ng socialblade.com, nakuha ng Wish 107.5 ang ikawalong pwesto ng may pinakamaraming youtube followers sa Pilipinas.
Umaabot sa 5,000 hanggang 7,000 ang nadadagdag na followers ng Wish 107.5 YouTube channel sa loob lang ng isang araw, at ayon din sa ulat ng YouTube PH, isa ito sa fastest-growing channel sa bansa na lumago ng nasa 236% sa loob lang ng 2016.
Hindi lang sa Pilipinas pinag-uusapan ang Wish 107.5 kundi maging sa mga bansa gaya ng USA, Canada, New Zealand at Brazil ay marami ring mga subscriber ang Wish. Ayon nga sa istasyon, sila ang magsisilbing “WISHclusive gateway to the world” ng mga local talent sa bansa.
Habang patuloy na umaarangkada sa pagtakbo ang Wish 107.5, ipinapangako nila na patuloy nilang mas pagagandahin at ipagpapatuloy ang nasimulang adhikain ng pagpapakita ng talentong pinoy sa iba’t-ibang panig ng mundo.
Ipinahahatid din nila ang kanilang isang milyong pasasalamat sa isang milyong subscribers!
(John Lester Villegas/Radyo la Verdad Student Reporter)
Tags: music, wish 1075 bus, wishclusive
