Walong bahay ang tinupok ng apoy sa Barangay San Vicente Maligaya One sa San Pedro Laguna pasado alas siete kagabi
Kaniya-kaniyang hakot ng mga gamit ang mga residente sa lugar upang maisalba ang kanilang mga damit at mga kasangkapan sa sunog
Habang tulong-tulong naman sa pag-apula ng apoy ang mga kalalakihan sa pamamagitan ng pagpapasa pasa ng balde na may lamang tubig
Agad naman umanong dumating ang mga pamatay sunog kaya hindi na kumalat ang apoy sa mga dikit- dikit at mga yari sa kahoy na mga bahay
Ayon sa mga nasunugan sa bahay umano ni Elinita Talagtag nagmula ang apoy dahil sa napabayaang gasul.
Umakyat sa ikalawang alarma ang sunog at idineklarang fire out alas otso kwarenta nang gabi
Nagpalipas ng gabi sa covered court ng barangay ang labing limang pamilya na nasunugan.
(Sherwin Culubong/UNTV News)
