Sugatan ang walong tao matapos tumagilid ang isang pampasaherong jeep sa Congressional Avenue corner Villa Soccoro sa Quezon City bandang alas otso kagabi.

Ayon sa nakasaksi sa pangyayari, malayo pa lamang ay mabilis na ang takbo ng jeep.

Ayon naman sa inisyal na ulat ng Quezon City Police District Traffic Sector – 6 biyahe pa Kalaw ang jeep galing Project 8 nang mawalan umano ng preno ang jeep.

Kinabig ng driver papunta sa gilid ng kalsada ang jeep para hindi makabangga ng mga sasakyan kaya sumalpok ito sa poste.

Sa lakas ng pagkakabangga ay tumagilid ang jeep sa kalsada at natanggal ang dalawang gulong sa unahan.

Sumuko naman ang driver ng jeep na si Roldan Reymar, 22 anyos na nahaharap sa kasong rekcless imprudence resutling to multiple physical injuries at damage properites.

Dinala naman ng Department of Public Order and Safety Rescuer ilang concerned citizens sa Quezon City General hospital ang mga biktima.

(Reynante Ponte / UNTV Radio Correspondent)

Tags: pampasaherong jeep, Quezon City