Handa na si Vice President Leni Robredo na pag-isahin at pamunuan ang mga opposition group sa bansa.
Ang naturang pahayag ay kasunod ng mga pag-uudyok umano sa kanya ng ilang tutol sa mga polisiya ng kasalukuyang administrasyon.
Ayon pa kay Robredo, liban sa mga miyembro ng Liberal Party, may iba pang grupo at indibidwal din aniya na kapareho ng kanilang mga hinaing at saloobin ngunit hindi pa nagkakaisa.
Samantala, tinawag namang incompetent o walang kakayahan ni Pangulong Rodrigo Duterte si Robredo. Ito aniya ang dahilan kung bakit wala siyang balak bumaba sa pwesto kung ito lang aniya ang papalit sa kanya.
Samantala sa isang tweet, ipinagtanggol naman ni Atty. Barry Gutierrez, legal adviser ng Office of the Vice President si VP Robredo.
Ayon kay Gutierrez, walang karapatan ang Pangulo na tawaging incompetent si Robredo lalo na at napakaraming isyu ang kinakaharap ngayon ng bansa gaya na lang ng all time high na inflation rate, extra judicial killings, traffic at ang lumalaking utang ng Pilipinas sa ilalim ng kasalukuyang administrasyon.
( Victor Cosare / UNTV Correspondent )
Tags: opposition group, Pilipinas, VP Leni Robredo
METRO MANILA – Sa loob ng unang 7 buwan sa pwesto ni Pangulong Ferdinand Bongbong Marcos Junior, nakaka-8 biyahe na ito sa labas ng bansa.
Panghuli ang World Economic Forum sa Davos-Switzerland kung saan nakwestyon ang bilang ng kaniyang delegasyon.
Tinanong ng UNTV ang Presidente sa espesyal na media interview araw ng Lunes, January 23 kaugnay ng mga biyahe ng presidente.
Aniya, babawasan na ng kaniyang administrasyon ang foreign trips ngayong 2023.
Ito ay upang mai-follow up ang mga nakausap nitong business at economic leaders na nagpahayag ng interes na mamuhunan o magpalawig ng kanilang operasyon sa Pilipinas.
Dagdag pa nito, ngayong 2023 ang confirmed na kaniyang dadaluhan ay ang nakatakdang apec economic leaders’ week sa San Francisco USA sa November 2023.
Paliwanag nito, mahalaga ang summit upang mapaigting ang relasyong pang-ekonomiya ng Pilipinas world’s leading economies.
Samantala, dumipensa naman ang presidente sa mga kumukwestyon sa sunod-sunod niyang biyahe abroad.
Aniya, kailangan niyang makipagkilala sa global partners bilang bagong presidente ng bansa.
ito ay upang mapatatag ang posisyon ng pilipinas sa international community.
Sa usapin naman ng transparency kung magkano na ang nagastos ng administrasyon ni PBBM sa foreign trips nito, ayon sa Presidente, wala pa siyang tiyak na halaga sa total expenses.
gayunman, tiniyak nito ang Transparency at Accountability sa ilalim ng kaniyang pamumuno.
Oras din aniyang ma-calculate ang kabuuang halaga ng expenses sa foreign trips, iuulat niya ito sa publiko.
(Rosalie Coz | UNTV News)
Tags: Pilipinas
METRO MANILA – Tiniyak ni Pangulong Ferdinand Marcos Jr. na isusulong niya ang strategic cooperation sa pagitan ng Pilipinas at China sa kaniyang 3-day state visit.
Partikular na pagdating sa usaping agrikultura, imprastraktura, kalakalan at pamumuhunan.
Ito aniya ang kaniyang tatalakayin sa kaniyang pakikipagpulong kay Chinese President Xi Jingping.
Bagamat hindi tinukoy ni Pangulong Marcos Jr. ang isyu sa West Philippine sea, umaasa siya na matatalakay ang usaping pang seguridad na kinakaharap ng 2 bansa.
Ayon kay PBBM, mahigit 10 bilateral agreements ang inaasahang malalagdaan ng Pilipinas at China.
Bukod sa pamumuhunan, isusulong rin ni Pangulong Marcos Jr. ang turismo sa Pilipinas.
Habang nasa state visit ang pangulo, magsisilbing caretaker ng bansa si Vice President Sara Duterte.
(Nel Maribojoc | UNTV News)
METRO MANILA – Umabot sa P505.8-B ang kabuuang expenditure ng bansa ngayong taon, 27.91% higit na mataas sa P395.4-B noong 2021.
Sa inilabas na datos ng Bureau of the Treasury (BTr), umabot sa P290.3-B ang kabuuang revenue ng gobyerno noong Hunyo, mas mataas ng 18.20% kumpara sa P245.6-B ng parehong period ng nakaraang taon. Nagresulta ito sa P215.5-B budget gap kumpara sa P149.9 milyon noong June 2021.
Ayon kay Finance Secretary Benjamin Diokno sa isang interbyu noong post-SONA economic briefing na ginanap sa Philippine International Convention Center (PICC) noong Martes (July 26), nangangailangan ngayon ang bansa ng bagong programa upang mahabol ang programmed spending at maabot ang target growth para sa taong 2022.
Aniya kahit na ang spending program sa loob ng 6 na buwan ay mas mababa sa target, maliit lamang ang pagkakaiba.
Sinabi rin ni Diokno na maaaring maabot ng Pilipinas ang target kung hindi lang nagkaroon ng election ban.
(Julie Gernale | La Verdad Correspondent)
Tags: Bureau of Treasury, Expenditure, Pilipinas
