Nagsampa ng disbarment complaint sa Supreme Court si Patricia Bautista laban kay University of Sto. Tomas College of Civil Law Dean Nilo Divina.
Bunsod ito sa paglabag umano sa Code of Professional Responsibility dahil sa sinasabing corrupt ties nito sa kanyang dating asawang si COMELEC Chairman Andres bautista.
Kasama rin sa reklamo ang dalawampu pang abugado mula sa kanyang Law Firm.
Hindi naman kabilang sa complaint si Chairman Bautista dahil sa kanyang immunity from suit.
Tags: Dean Nilo Divina, disbarment complaint, Patricia Bautista
Nadagdagan na ang mga respondent sa pagkamatay ni Horacio “Atio” Castillo III sa isang hazing incident.
Sa pagdinig kahapon sa DOJ, naghain ng karagdagang reklamo ang mga magulang ni Atio laban kina UST law dean Nilo Divina at dalawampu’t dalawa pang miyembro ng Aegis Juris Fraternity.
Kasama sa inireklamo ng murder at paglabag sa anti-hazing law ang mga trustee ng Aegis Foundation at ang may-ari ng building kung saan isinagawa ang hazing.
Alam na raw nina Divina ang gagawing initiation kay Atio ng mga kasamahan sa fraternity pero wala itong ginawa kahit magpadala man lang ng kinatawan mula sa UST.
Bumwelta naman si Atty. Lorna Kapunan sa libel cases na isinampa sa kanya ni Divina kung saan pinagbabayad siya ng 120-million pesos na danyos. Nag-ugat ang dalawang libel complaint sa pagsasapubliko ni Kapunan sa disbarment complaint laban sa law dean.
Iniharap naman ng Manila Police bilang mga testigo ang doktor at nurse na nag-asikaso kay Atio nang dalhin ito sa Chinese General Hospital. Isinumite rin ang mga kuha ng CCTV sa lugar kung saan isinagawa ang hazing.
Binigyan ng DOJ panel ng hanggang October 30 ang mga respondent upang sagutin ang lahat ng mga akusasyon laban sa kanila.
( Roderic Mendoza / UNTV Correspondent )
Tags: 22 fratmen, Dean Nilo Divina, DOJ
Ipinahayag ng abogado ng hazing victim na si Horacio Castillo na dapat na maimbestigahan din ang mga opisyal ng University of Sto. Tomas o UST, kabilang na dito ang Faculty of Civil Law na si Dean Nilo Divina.
Ayon sa abogado ng pamilya Castillo, hindi nito sinasabi na guilty sila bagkus nais lamang masiguro sa mga magulang ng hazing victim na ginawa nila ang lahat upang maiiwas sa kamatayan ang law student.
Tags: Dean Nilo Divina, Horacio Castillo III, UST
Hindi kinatigan ng Supreme Court ang hiling na alisin sa pagiging abogado si Ombudsman Conchita Carpio-Morales.
Nag-ugat ito sa pag abswelto nito kay dating Pangulong Benigno Aquino III sa kaso ng Disbursement Acceleration Program.
Lahat ng mga mahistrado ay sumang-ayon na i-dismiss ang disbarment complaint laban kay Morales.
Noong Biyernes, nagsampa ng reklamo sa Korte Suprema ang dating konsehal ng Maynila na si Greco Belgica.
Ayon dito, nilabag ni Morales ang lawyer’s oath nang i-dismiss ang kasong katiwalian laban kay dating Pangulong Aquino nang walang anomang paliwanag.
Ngunit sabi ng Korte Suprema, malinaw sa kanilang mga naunang desisyon na hindi pwedeng sampahan ng disbarment ang Ombudsman.
Hindi rin inayunan ng korte ang katwiran ni Belgica na pwede namang sampahan ng disbarment si Morales at ipatupad na lamang ang parusa pagbaba nito sa pwesto.
(Roderic Mendoza)
Tags: disbarment complaint, Ombudsman Conchita Carpio Morales, SC
