Naglabas ng deportation order ang Bureau of Immigration para kay US Marine Joseph Scott Pemberton

Si Pemberton ang pangunahing suspek sa pagpaslang sa transgender na si Jeffrey Laude noong October 11, 2014 sa Olongapo City

Sa limang pahinang resolusyon na inilabas ng ahensya nitong martes, sinabi ng B-I na isang ‘risk to public interest’ at isang ‘undesireable alien’ si Pemberton.

Ibinatay ng B-I ang resolusyon sa isinampang murder case laban kay Pemberton

Ayon sa ahensya ang isang foreign national ay itinuturing na “undesirable” kapag nakagawa ito ng criminal offense na may parusang pagkakakulong ng isang taon o higit pa.

Ngunit nilinaw ng B-I na paalisin lamang sa bansa si Pemberton kapag naresolba na ng korte ang kaso nito

Kapag napaalis na sa bansa si Pemberton, isasama na siya sa blacklist ng B-I.

Tags: Bureau of Immigration, US Marine Joseph Scott Pemberton