Isang panibagong milestone para sa proud kasangbahay at child prodigy na si Luke Alarcon o mas kilala bilang “Moonlight” na makapagsagawa ng kanyang kauna-unahang solo art show.
Labingdalawang taon nang magsimulang magpinta ang KNC Show host, at sa edad na labinlima ay may sarili na siyang exhibit. Naiiba ang konsepto ni Luke dahil ang kanyang mga obra ay unique combination ng magkaibang era.
Nais gamitin ng batang pintor ang kanyang talento upang makapagturo ng mabuting asal sa kapwa. Bakas ito sa titulo pa lamang ng kanyang mga artwork gaya ng “say please”, “respect the elderly” at ang kanyang main piece na “don’t say bad words”.
Napabilib naman ng batang artistik ang 89-year old Spanish artist na si Betsy Westendorp. Si Moonlight ay mula sa pamilya ng mga artist, mula sa kanyang ama hanggang sa mga kapatid. Very proud naman ang kanyang tatay sa narating ng kanyang bunsong anak sa murang edad.
Ang exhibit ni Moonlight ay bukas sa publiko sa Provenance Art Gallery sa Shangri-la, BGC, Taguig hanggang September 3.
(Leslie Longboen / UNTV Correspondent)
Tags: KNC Show host, Moonlight, solo art exhibit
Araw-araw siyang kinagigiliwan sa programang KNC Show dahil sa kanyang angking galing sa sining.
At ngayon, buong mundo ang pinabilib ng talento ni Christian Luke Alarcon o mas kilala natin bilang “Moonlight” dahil sa pagkakapanalo ng kanyang likha sa 13th International Art Renewal Center Salon Competition.
Mula sa libo-libong entry, pumili ang mga hurado ng isang grand prize winner at anim na honorable mentions sa Da Vinci Initiative category.
Ang artwork ni Moonlight na “Gluttony” ay napili bilang isa sa honorable mentions. Pumapangalawa din ito sa botohan para sa People’s Choice Award.
Ang kahanga-hangang artwork na ito ay ginawa niya noong siya ay labing tatlong taon pa lamang. Sa murang edad, nakilala na si Moonlight sa kanyang makabuluhang mga obra.
Una nang sumali si Moonlight sa kumpetisyon noong isang taon kung saan ang kanyang obra na “Old Master” ay nabilang sa mga finalist.
Isa sa mga inspirasyon ng KNC Show host ay ang kanyang pamilya na kapwa niya rin mga artist.
( Leslie Longboen / UNTV Correspondent )
