Isa pang biktima ng tanim bala ang humingi ng tulong sa National Bureau of Investigation o NBI

Kinilala ang biktima na si Jose Mariepaz Trias.

Ayon kay Trias, hatinggabi ng October 27 ng harangin siya ng dalawang NAIA personnel sa terminal 3 dahil may nakita umano sa scanner na bala sa kanyang backpack.

Kalaunan, inalok umano siya ng isa sa dalawang NAIA Officer na aregluhin na lamang nila ito.

Hindi siya pumayag sa alok at nagsabing handa siyang makulong at maiwan ng kanyang flight.

Matapos na humingi siya ng tulong isa isang kakilala ay pinayagan na siyang makalipad ng NAIA Officer na nagsabing huwag na lamang ikuwento sa iba.

Lumapit si Trias sa NBI upang ireklamo ang tatlong NAIA Personnel na nangbiktima sa kanya na nakasuot umano ng lightblue na uniform. ( Darlene Basingan / UNTV News )

Tags: Jose Mariepaz Trias