Naaresto na ng otoridad sa kanyang inuupahang apartment sa Abu Dhabi, United Arab Emirates ang umano’y big time drug lord sa Visayas na si Kerwin Espinosa.

Ipinahayag ni Philippine National Police Dir. Gen. Ronald Dela Rosa na naaresto si Kerwin bandang alas-dos ng umaga, oras sa Pilipinas sa isinagawang operasyon ng Abu Dhabi Police at PNP Anti-Illegal Drugs Group sa pakikipagtulungan ng interpol.

Ayon sa heneral, isang ofw mula Abu Dhabi ang nagbigay ng impormasyon kaugnay ng kinaroroonan ni Espinosa.

Sa ngayon aniya hawak na ng Abu Dhabi Police si Espinosa habang inaasikaso na rin ang pagpoproseso ng mga dokumento nito upang maiuwi sa Pilipinas.

Tags: Kerwin Espinosa, naaresto sa Abu Dhabi, UAE