Pinabulaanan ng Bureau of Customs na papalitan na sa pwesto si Commissioner Nicanor Faeldon.
Kasunod ito ng kumalat na umano’y appointment letter para sa isang Ariel Roselle Victorino o Ariel Roa Victorino na may lagda ni Executive Sec. Salvador Medialdea.
Nagpakilala pa umano itong kamag-anak ni Pangulong Rodrigo Roa Duterte.
Nakatanggap rin ng reklamo ang BOC na nanghihingi umano ng pera si Victorino sa mga empleyado at brokers kapalit ng kanilang proteksyon.
Ngunit ayon sa BOC Legal Service, hindi beripikadong totoo ang naturang sulat.
Ayaw namang kumpirmahin ng Malacañang kung tunay ang nilalaman ng sulat;
Ngunit ayon kay Presidential Spokesperson Ernesto Abella, si Faeldon pa rin ang pinuno ng BOC sa ngayon.
Tiniyak naman ng customs na susundin nila ang anumang utos ng pangulo.
Nagpapaalala rin ang pamaahalaan sa publiko at sa mga emplayado sa amga ahensya na makinig at maniwala lamang sa mga opisyal na pahayag ng pamahalaan upang hindi madaya dahil madami sa ngayon ang mga napapaulat na scam.
(Aiko Miguel)
Tags: bagong commissioner, beripikado, BOC, isang Ariel Victorino
METRO MANILA – Nagpaalala ang Bureau of Customs (BOC) sa mga Pilipino sa ibang bansa na piliing mabuti ang freight forwarding firms sa pagpapadala ng balikbayan box sa kanilang pamilya sa bansa.
Sa social media post, sinabi ng BOC na dapat piliin ng mga customer ang mga reputable forwarding company na accredited ng Department of Trade and Industry (DTI) para matiyak ang kaligtasan ng kanilang mga balikbayan box.
Ito ay matapos ang mga report na natanggap ng ahensya tungkol sa mga kaso ng abandonadong balikbayan boxes.
Sa kabuoan, nasa 15 na ang foreign at local forwarders o consolidators ang may mga kaso ng abandoned balikbayan boxes.
Ito ay ang kabayan Island Express Cargo, GM Multi Services Cargo, Allwin Cargo LLC, Sel Air Cargo, Manila Cargo, Sky Freight, Mediacom Express Cargo, CMS General Services, Pinoy Network Cargo WLL FZC LLC.
Habang ang mga local forwarders o deconsolidators na may kaso ng inabandonang padala ay ang FBV Forwarders and Logistics Inc.,, Etmar International Logistics, Cargoflex Haulers Corp., KC door to door delivery services, Rensworld Freight Logistics Corp., FGTI Forwarding Services, CMG International Movers.
Hinimok din ng BOC ang publiko na makipagugnayan sa ahensya kung may alalahanin o may karagdagang impormasyon sa kanila, sa pamamagitan ng Bureau of Customs – Customer Assistance and Response Service o BOC-Cares sa pamamagitan ng hotline number (02) 8705-6000 o sa pamamagitan ng email sa boc.cares@customs .gov.ph.
Tags: balikbayan boxes, BOC
METRO MANILA – Nagbabala ang Bureau of Customs (BOC) ang publiko laban sa parcel o love scam ngayong holiday season.
Pinapayuhan ng ahensya ang publiko na maging maingat sa mga tawag, mensahe o email na nagsasabing mayroong package o parcel na nakabinbin sa BOC na nanghihingi ng bayad para ito ay mailabas.
Dagdag ng ahensya, ang pagbabayad ng customs duties at taxes ay maaari lamang gawin sa BOC cashier o sa pamamagitan ng authorized agent banks.
Kung sakaling naging biktima ng scam, i-check sa website kung ang nasabing courier o forwarder ay accredited.
Maaari ding makipagugnayan sa BOC upang ma-verify kung ang resibo, tracking number at ibang dokumento na natanggap ay tunay o fake.
Tags: BOC
METRO MANILA – Hindi na ibebenta sa Kadiwa Stores ang Milyon-milyong Pisong halaga ng mga smuggled na puting sibuyas na nakumpiska ng Department of Agriculture (DA) at Bureau of Customs (BOC) sa ilang warehouse sa Maynila kamakailan.
Ayon kay DA Deputy Spokesperson Rex Estoperez, labag sa panuntunan ang BOC ang pagbebenta ng mga smuggled na agricultural products.
Bukod dito, nabubulok na rin umano ang mga sibuyas na kanilang nakumpiska.
Dahil dito, target muna ng DA na mailabas ang natitira pang suplay ng sibuyas sa mga cold storage facilities habang paunti-unti na ring nag-aani ang mga magsasaka ngayong Disyembre.
Tags: BOC, DA, Puting Sibuyas, Smuggled
