METRO MANILA – Mas nakamamatay umano ang UK variant batay sa lumabas na ulat sa United Kingdom noong Biyernes. (Jan 22).
Ayon kay UK Prime Minister Boris Johnson at sa UK Chief Government Scientist, posibleng 30 hanggang 40% na mas nakamamatay ang b.1.1.7 o uk variant sa ilang age groups
Ayon naman sa mga eksperto sa Pilipinas, maaga pa para sabihing mas nakamamatay nga ang bagong variant .
“The data from the UK about the potentially increase deadliness of the virus is very preliminary. The original data wala po kasing evidence na its deadlier pero may mga karagdagang pag-aaral na ginawa sila that suggest na baka maybe 30 percent more deadly. Pinag-aaralan pa po ito. Hindi pa final” ani DOH Technical Advisory Group Member, Dr. Edsel Salvana.
Ayon pa kay Dr Ana Ong- Lim, Infectious Disease Expert at miyembro ng technical working group na tumututok sa mga Covid-19 variants
Talagang mas nakakahawa ang UKvariant at maaaring ito ang dahilan kaya ang mga vulnerable sa sakit ay nakararanas ng kumplikasyon dahilan upang maging severe ang kondisyon at kalauna’y mamatay
“When we talk about virus being deadly, it is not necessary the virus itself but the impact it has on the actual numbers. Dahil alam na natin na mas nakakahawa sya, expect na natin na mas malaking proportion ng population ang magkakaroon ng sakit and doon sa dami ng magkakasakit, maaring mas marami din doon yung mga matatatanda o meron ng ibang sakit na syempre mas magiging lantad doon sa poor outcomes.” ani PIDSP President, Dr Anna Lisa Ong- Lim.
Payo ng mga eksperto, upang hindi mahawa sa anomang variant ng Covid-19, manataling sumunod sa minimum public health standards .
Kaaagad ding mag- isolate at kumonsulta sa doktor kapag nakaras ng anomang sintomas ng Covid-19.
Samantala, nakikipag- ugnayan na ang US centers for disease control and prevention sa UK health officials upang mapag-aralan ang hawak nilang datos at makita kung mas nakamamatay nga ba ang UK variant ng Covid-19.
(Aiko Miguel | UNTV News)
Tags: Experts, UK Covid-19 Variant
METRO MANILA – Pagsapit ng February 1, lahat ng inbound travellers sa bansa ay didiretso sa quarantine facility.
Batay ito sa inilabas na Inter Agency Task Force Resolution No. 96 .
Nakapaloob dito na hindi na sila kaagad isasailalim sa Covid-19 testing malibang magpakita ng sintomas ng sakit.
Pagsapit nila ng ikalimang araw na pamamalagi nila sa bansa, dun pa lang sila isasailalim sa swab testing.
Ayon sa DOH, mas mabisa itong paraan upang matuloy kung ang isang biyahero ay postibo sa Covid-19.
“For efficiency for government and also to be more rational in doing things atin pong ginawa ito hindi sila itetest pag arrive , pero kung sila ay may nararamdaman na o di kaya ay mayhigh suspicion meron siyang sakit na ito, sya po ay kailangan i-test.” ani DOH Spokesperson, Usec. Maria Rosario Vergeire.
Binigyang diin din ng DOH na mahalagang ma- isolate sa isa’t isa ang mga pasahero upang hindi magkaroon ng hawaan habang sila ay naghihintay para sa Covid-19 testing .
“Pero ang kailangan natin maintindihan, iyong ating prinsipyo na isolation first, as long as we isolate them even thouhg they are poisitive we are assured na naco- confine lang doon sa kwartong yun ang sakit at hindi po makakapanghawa kaya isa rin po iyan na nakalagay sa ating resolution na kailangan walang cohorting because they will only be tested on the 5th day “ ani DOH Spokesperson, Usec. Maria Rosario Vergeire.
Kapag lumabas naman na negatibo sa Covid-19 ang kanilang resulta, ie-endorso sila sa LGU ng kanilang destinasyon upang tapusin ang kanilang 14 day mandatory quarantine period.
Ang bagong testing at quarantine protocols ay inilabas upang mapigilan ang pagkalat ng mas nakahahawang uk variant at iba pang variant ng Covid-19 sa Pilipinas.
Samantala, batay sa update ng DOH, mahigit 600 na ang natukoy na close contacts ng 13 nag- positibo sa Cordillera Administrative Region
Ito ay mga close contacts ng 12 sa Bontoc, Mountain Provice at 1 sa La Trinidad, Benguet na positibo sa UK Variant
May natukoy pa ang kagawaran na returning Overseas Filipino Workers (OFW) na umuwi sa rehiyon.
Hinihintay pa ng DOH ang iba pang detalye upang matukoy kung positibo o negatibo ang mga ito sa anomang variant ng Covid-19.
Ayon pa sa DOH, maaaga pa para ideklarang may community transmission sa rehiyon dahil magkakaugnay pa ang UK Variant cases doon.
(Aiko Miguel | UNTV News)
Tags: 5th day, OFW, UK Covid-19 Variant
METRO MANILA – Tinutukoy pa ng mga eksperto sa bansa kung saan nakuha ng bente y nueve anyos na lalaki mula sa Dubai ang na- detect sa kaniya na UK variant .
“Marami pong factors that we need to consider like the number of days from the time that they left the Philippines, until they reached dubai, ano ba yung naging activities in dubai, where we were provided hy this information hy the individual himself who tested positive for this variant. So pinagaaralan pa iyan.” ani DOH Spokesperson Sec. Maria Rosario Vergeire.
Nguni’t ayon sa DOH, ang tiyak sa ngayon ay umalis ito ng Pilipinas noong Decemebr 27 at dumating sa naturang bansa na negatibo sa Covid-19.
“On December 25 the couple had their RT- PCR test done here in the country and it yielded negative results. They went to dubai and upon entry in dubai they were swabbed again and the results were also negative”ani DOH Spokesperson Sec. Maria Rosario Vergeire.
Bumalik ito sa Pilipinas at kanyang partner noong January 7 at walang ipinakitang sintomas ng sakit.
Samantala, nasa 58% na ng close contact ng mga ito ang natawagan nguni’t may ilan pa rin na kailangang tuntunin ang lokasyon .
Ito ay dahil mali ang ibinigay nilang contact number, kina-kansela ang tawag o hindi talaga matawagan. Kasalukyan ginagamot ang pasyente na may pneumonia sa isang isolation facility.
Ayon sa DOH, inirekomenda na nila sa Office of the President na isama na sa travel ban list ang United Arab Emirates (UAE).
Ito’y bilang bahagi ng mas mahigpit na border control at maagapan pa ang pagkalat ng anomang bagong variant ng Covid-19 sa Pilipinas ,
“Time ito pong sinsabi natin so that we can analyze the case well and that they determine if there are still other individuals who are affecetd by this vairant and also we can further prepare our system para po kung sakali kung may makita pa tayong iba o hindi kaya ay magtataas ang kaso—tayo po ay magiging ready. ni DOH Spokesperson Usec. Maria Rosario Vergeire.
Ayon pa kay Sec Duque, asahan na ang posibleng pagtaas ng Covid-19 cases sa bansa. Iniiwasan naman ng doh at mga eksperto ang pagkalat pa ng bagong variant ng covid-19 sa pilipinas ito’y upang hindi rin mapuno ang hospital capacity ng Pilipinas
At hindi umabot sa 300,000 ang Covid-19 cases sa loob ng isang buwan kapag naging dominant ang bagong variant. Samantala, naniniwala ang mga eksperto na epektibo pa rin ang mga dine- develop na Covid-19 vaccine laban sa bagong Covid-19 variants.
(Aiko Miguel | UNTV News)
METRO MANILA – Nakapasok na sa Pilipinas ang pinanganambahang UK Coronavirus variant o ang B.117.SARS-COV-2-variant.
Hiling ni Pangulong Rodrigo Duterte na sana ay huwag maging mas mapanganib ang strain na ito.
Batay sa mga eksperto, mas nakahahawa ang UK variant kumpara sa naunang virus na nagdudulot ng Covid-19
“May bagong monster na naman. And I pray to god really na sana na hindi ito more dangerous, more toxic than the original covid, ginagawang bakuna laban diyan” ani Pangulong Rodrigo Duterte.
Upang maiwasang makapasok sa Pilipinas at kumalat ang UK at South African Covid Variant, nagpatupad ng travel restrictions ang Pilipinas sa 32 bansa at isang special administrative region.
Nabanggit naman ng Punong Ehekutibo ang mas maigting na hakbang na ginagawa ng Department Of Health kaugnay ng kaso ng UK Covid variant sa bansa.
“Titingnan ng mga experts, mga doctors, they will raise the alarm, sabi nga ni Dr. Duque, ngayong gabi. Pupuntahan nila to make sure para we can take steps to isolate, sequester and maybe treat them na hindi na sana mapasa ng iba.” ani Pangulong Rodrigo Duterte.
(Rosalie Coz | UNTV News)
Tags: Pres. Duterte, UK Covid-19 Variant
