Nakapasok na ng Philippine Area of Responsibility (PAR) ang Typhoon SOUDELOR (International Name) at pinangalanan na itong bagyong Hanna.

Batay sa pinakahuling ulat ng PAGASA, ang mata ng bagyo ay namataan sa layong 1,420 kilometro sa silangan ng Calayan, Cagayan (19.5°N, 135.0°E).

May taglay itong lakas ng hangin na 215 kph at pagbugso ng hanggang 250kph.

Ayon sa PAGASA, bagaman hindi ito tatama ng kalupaan, magdadala naman ito ng mga pag-ulan sa Mindanao at ilang bahagi ng Luzon at Visayas dulot ng southwest monsoon

Tutumbukin ng bagyong Hanna ang bansang Japan, Taiwan at China.

Nagbabala naman ang weather forecasting agency na posibleng magdulot ng mga flashflood at landslide ang bahagi ng Mindanao.