Pagtatatag ng Department of Water nakikitang solusyon ng mga kongresista sa water crisis sa bansa

by Erika Endraca | June 26, 2019 (Wednesday) | 8640

MANILA, Philippines – Naniniwala ang mga kongresista na mayaman sa tubig ang Pilipinas pero hindi ito nagagamit ng tama kaya sa kabila ng maraming suplay ng tubig, ay nakakaranas ang bansa ng water crisis.

Isa umano sa halimbawa nito ay ang mga nasasayang na tubig tabang na pinakakawalan ng mga dam tuwing panahon ng tag-ulan na maaari naman sanang ipunin para magamit sa mga panahon na kapos sa suplay ang mga water concessionare.

Ayon kay Bulacan Representative Jonathan Sy-Alvarado hindi na biro ang water crisis na nararanasan ng bansa kaya dapat may isang departamanto nang mangasisiwa dito.

“Importante talaga na magkaroon tayo ng isang sistema ng pamamalakad ng tubig dito the chairman welcome the porposal na magkaroon tayo ng department of water ito ay long over due na na kailangan ng ng pilipinas dahil nakikita natin ang mismanagement ng tubig.” ani Bulacan Representative Jonathan Sy-Alvarado

Sa oversight hearing na isinagawa sa kamara isa sa mga suhestiyon ng Local Water Utilities Administration (LWUA) ay ang humingi ng tulong sa mga water district.

Pero kasalukuyang pa nilang pinag-aaralan kung paano dadalhin ang tubig mula sa water district papunta sa mga costumer ng dalawang water consesiosnares.

“Our water districts we can ask them to help share their water resources although the problem maybe is how to transport the water.” ani Local Water Utilities Administration Acting Administrator Jeci Lapus.

 “We support the plan to give us more water”ani Manila Water President Ferdinand Dela Cruz.

“Sa maynilad po we also welcoming the officer of administrator jeci lapus.”ani Maynilad President Ramoncito Fernandez 

Nais naman ng makabayan bloc na managot ang dalawang water consessionare at ibalik sa gobyerno ang pamamahala sa distribusyon ng tubig.

“Captured market ang mga tao kapag tubig ang negosyo.”ani Bayan Muna Representative Carlos Zarate.

Lumabas rin sa pagdinig ang mga suhestiyon ng mga kongresista na ipunin ang mga tubig ulan at ang i-recycle ang mga ginamit na tubig sa mga establisimiyento gaya ng ginagawa sa ibang bansa. Samantala, bukas naman ang malakanyang sa anomang suhestyon para sa water crisis.

(Joan Nano | Untv News)

Tags: , , ,