Tinatayang nasa dalawang milyong pisong halaga ng droga ang narecover ng mga Bureau of Customs sa Ninoy Aquino International Airport.

Kabilang dito ang halos isang libong piraso ng ecstasy pill na may assessed value na P1,440,000 at 53 grams ng shabu na may street value na P265,000 at nakatago sa isang bisikleta.

Natagpuan naman sa isang pares ng sapatos ang 16 grams ng shabu na nagkakahalaga naman ng P80,000.

Patuloy ang imbestigasyon ng BOC kung sino ang nasa likod ng pagpupuslit ng mga drogang ito.

(UNTV NEWS)

Tags: droga, ecstasy pill, Ninoy Aquino International Airport