mula sa Facebook acount ni Koko Narak

Nakatakdang isailalim sa deportation proceedings ng Bureau of Immigration ang isang Thai national matapos nitong tawagin “pignoy” ang mga Pilipino sa kanyang Facebook account.

Kung mapapatunayang may sala, paaalisin ng bansa si Prasertsri Kosin o mas kilala bilang “Koko Narak” dahil sa pagiging undesirable allien nito.

Bukod sa pagtawag na pignoys, tinawag rin ni Narak na “stupid creatures”, low-class slum slaves” at “useless race in this world” ang mga Pilipino.

Si Narak ay napagalaman na nagtratrabaho sa Cognizant Philippines na isang business process outsourcing company na nakabase sa taguig city.

“Based on our records, Kosin is working under a special non-immigrant visa based on section 47(a)(2) of the Philippine Immigration Act. The visa will be eventually cancelled should he be determined to be undesirable”, pahayag ni BI spokesperson Elaine Tan.

Kapag tuluyang maipadeport si Narak, ilalagay ng BI ang pangalan sa blacklist at hindi na maaari pang makabalik ng bansa.