Manila, Philippines – Dumarami na ang mga lugar sa bansa na nakakaranas ng matataas na temperatura. Nito lamang April 9 ay umabot sa 51.7’c ang heat index o temperaturang naramdaman sa katawan sa Dagupan city sa Pangasinan.
Ayon sa Pagasa, posibleng tumaas pa ang maitatalang temperatura sa mga susunod na araw dahil narin sa epekto ng El niño.
“During el niño mas mataas tayo sa normal. Siguro pwede pa tayong maka expect ng mas mataas (na temperature) until may.”ani PAGASA-IAAS Asst. Weather Service Chief, Thelma Cinco
Naitala ang pinagkamataas na temperaturang 42.2’c sa Tuguegarao noong April 22, 1912 at May 11, 1969.
Mas mataas ang heat index kumpara sa aktuwal na temperatura sa isang lugar. Inilalabas ito ng pagasa upang mabigyan ng gabay ang publiko sa panganib sa kalusugan lalo na ang may sakit na hypertension.
“Yung ramdam mong init, mainit na mas mainit pa yung maramdaman mo dahil yung pawis mo hindi nag-evaporate
pag umabot ka ng 37 degress (celcius) parang nilalagnat ka di ba? Yung ganun na temperature “ani PAGASA-IAAS Asst. Weather Service Chief, Thelma Cinco
Ayon sa pagasa, umiwas muna na direktang mabilad sa araw ng matagal at uminom ng maraming tubig upang makaiwas sa heat stroke.
Base sa historical record ng Pagasa, tumataas ng nasa 0.1’c ang temperatura kada dekada mula 1951.
Kung hindi mapipigilan ang pagtaas ng temperatura ay maaaring lalo pang lumakas ang mga bagyo at ulang mararanasan sa bansa.
“Ang temperature pag nagbago diyan pwedeng magkaroong tayo ng mga extremes like haiyan. Yung mga ganun na extremes that could bring disasters”. ani PAGASA-IAAS Asst. Weather Service Chief, Thelma Cinco
Samantala maaari ring maapektuhan ang pagkain dahil apektado ng klima ang agrikultura.
(Rey Pelayo | Untv News)
Tags: PAGASA-DOST
MANILA, Philippines – Mababawasan na simula sa September 1, ang mga araw at oras na mawawalan ng suplay ng tubig ang mga customer ng Maynilad at Manila Water.
Kasunod ito ng gagawing pagdaragdag ng National Water Resources Board (NWRB) sa sukat ng alokasyon ng tubig na ibinibigay sa Metro Manila.
Ayon kay NWRB Executive Director Servillo David Jr, ang pagdaragdag ng alokasyon ay bunsod ng patuloy na pagangat ng lebel ng tubig sa Angat dam.
As of 7-am kahapon (August 26),umakyat na minimum operating level ang antas ng tubig sa dam na 180.7 meters. Dahil dito, asahan na mabawasan na ang mga araw at oras ng water service interruption ng Maynilad at Manila Water sa kanilang mga customer.
“Magkakaroon ng improvement sa services gun and inexpert nation with this additional releases na from angat dam expect this September 1” ani NWRB Director Servillo David Jr.
Bukod pa rito, ibabalik na rin ng NWRB ang 30 cubic meters na alokasyon ng tubig para sa irigasyon na ibinibigay sa mga sakahan sa Bulacan at Pampanga.
Nitong nakaraang mayo, pansamantalang sinuspinde ng nwrb ang alokasyon sa irigasyon dahil sa pagsadsad ng tubig sa Angat dam.
Samantala ayon naman sa Pagasa posibleng magtuloy-tuloy na ang pagtaas ng tubig sa angat sa mga susunod na araw.
“Kasi nandito na tayo sa tag-ulan may mga bagyo at may mag inexpect pa tayo na bagyong dadating so inaasahan based from the historical naman natin na mga data nakikita natin during these month talaga tumataas ang elevation ng Angat dam” ani PAGASA Hydrologist, Shiela Schneider.
Bukod sa Angat, patuloy ring tumataas ang lebel ng tubig sa La Mesa dam, Ambuklao at Ipo dam.
(Joan Nano | UNTV News)
MANILA, Philippines – Umaabot sa 19-20 bagyo ang pumapasok sa Philippine Area of Responsibility (PAR) kada taon kung saan 8-9 sa mga ito ay tumatama sa bansa.
Sa nakuhang datos ni Dr. Gerry Bagtasa ng Up Institute of Environmental Science and Meteorology, sa nakalipas na 50 taon ay napansin niyang nagbabago ang direksyon ng mga bagyo pa hilaga partikular sa Taiwan.
Sa mga nagdaan aniyang dekada lalo na mula noong taong 2000 ay dumadaan pa nga sa Mindanao ang mga bagyo gaya ni Pablo na nanalasa sa bansa noong 2012 at Sendong noong 2011.
Pero kahit palihis na sa pilipinas ang direksyon ng mga bagyo, mas marami naman ang naitatalang ulan sa bansa.
Nadagdagan aniya ng nasa 30% ang ulan dahil sa habagat na pinalalakas ng bagyo at 10-15% naman ang dagdag ng ulan dahil sa mga bagyong tumatama o direktang nakakaapekto sa bansa.
Noong 1960 aniya ay nasa 18 araw lamang sa isang taon nakararanas ang Pilipinas ng malakas na habagat subalit ngayon ay umaabot na sa 26 na araw o halos 1 buwan.
“Yung bagyo kasi pag nasa tabi siya ng taiwan yun yung humihila ng habagat. Ngayon mas marami yung bagyong pumupunta roon” ani Up Institute of Environmental Science and Meteorology Dr. Gerry Bagtasa.
Ayon kay Dr. Bagtasa, mula taong 2022 hanggang 2050 naman ay posibleng tumaas pa ang direksyon ng bagyo at mas madalas namang tatama sa Japan. Ang epekto naman nito ay posibleng mabawasan ang ulan sa Pilipinas kung saan malaking porsiyento ay nanggagaling ang imbak na tubig ng mga dam.
“Imagine natin kung nawala itong bagyong to, kalahati ng tubig natin mawawala, kalahati ng fresh water” ani Up Institute of Environmental Science and Meteorology Dr. Gerry Bagtasa.
Samantala ang pagbabago ng direksyon ng mga bagyo ay iniuugnay sa pagbabago ng klima.
“Maaaring manifestation ito ng climate change. Kasi sa nakikita ng ibang mga pagaaral sa paginit ng karagatan dito sa may indonesia, pag umiinit yung dagat doon yung mga bagyo medyo umaakyat papuntang taiwan” ani Up Institute of Environmental Science and Meteorology Dr. Gerry Bagtasa.
(Rey Pelayo | Untv News)
Tags: bagyo, PAGASA-DOST, scientist, ulan
MANILA, Philippines – Posibleng umabot pa sa susunod na taon mararanasan ang epekto ng El Niño sa bansa base sa pinakahuling pagtaya ng PAGASA.
Pero 9-13 na bagyo naman ang posibleng pumasok sa Philippine Area of Responsibility hanggang Disyembre.
Malaki ang posibilidad na tumama sa bansa ang mga mabubuong bagyo sa mga buwan ng Oktubre, Nobyermbre at Disyembre.
Mahalaga ang mga bagyo lalo na sa Metro Manila dahil dito nanggagaling ang 50 porsiyento ng ginagamit nating tubig.
Patuloy ang pagbaba ng lebel ng tubig sa Angat Dam na siyang pinagkukunan ng 96% ng supply ng tubig sa Metro Manila at mga karatig lalawigan.
“Makikita po natin dito na noong 18 July 2010, bumaba po siya ng pinaka mababa na 157.56 meters. Tapos noong 20 July 2014, nakapagtala tayo ng 162.74 meters. At sa ngayon nga po ang lebel ng tubig natin ngayong 26th june ay nasa 158.4 meters.” Ani PAGASA Hydrologist Sonia Serrano.
Ayon sa PAGASA, hanggang agosto ay malaki ang posibilidad na may epekto parin ang El Niño sa bansa subalit posibleng tumagal ito hanggang sa unang bahagi ng 2020.
Pero nakikita naman nilang tataas na ang lebel ng Angat Dam sa mga susunod na buwan.
“Aabot pa ng July at August, ‘yung pagtaas sa operating level. So hindi natin siya nakikita na biglang tataas, exept kung merong bagyo na talagang tatama, dadaan at magbubuhos ng ulan doon mismo sa Angat Dam.” Ani PAGASA Weather Division Weather Services Chief Esperanza Cayanan.
‘Gusto nating ma-rearch yung 180-meter level na normal operating level ng Angat Dam ang kinakailangan po natin ay nasa 365mm of rainfall,” ani PAGASA Hydrologist Sonia Serrano.
Samantala, halos nasa 70 meters na ang lebel ng tubig sa La Mesa Dam na isa sa pinagkukunan ng tubig ng Manila Water.
“Ang nagiging problema dito dahil sa katagalan hindi nagamit yung intake na yun medyo maburak. So yun yung isyu ngayon parang concern nila kasi oras na buksan nila yun sasama yung buhangin pababa. So apektado yung quality ng tubig na susuply sa Metro Manila.” Ayon kay PAGASA Hydro-Meteorology Division Weather Services Chief Roy A. Badilla.
(Rey Pelayo | UNTV News)
Tags: El Nino, PAGASA-DOST
