Arestado ang isang lalakeng pasahero ng taxi matapos umanong hablutin ang perang hawak ng isang ginang sa Blumentrit Sta. Cruz Manila pasado alas osto kagabi.
Hinuli din ang driver ng sinakyan nitong taxi dahil hindi huminto at nagtangka pang tumakas.
Kinilala ang mga suspek na si Alex John Ylagan at Nozario Manalo.
Ayon sa biktima, biglang lumapit sa kanya ang isa sa mga suspek at inagaw ang hawak niyang tatlong libong piso na ipadadala sana sa anak sa probinsya bilang pambili ng gamit sa eskwela.
Dipensa naman ng taxi driver wala siyang kinalaman at nadamay lang siya sa krimen.
Inarkila umano siya ng suspek sa Novaliches at sinabing maniningil ng pautang.
Kaya hindi napigilan ng driver ang kanyang sarili ng malamang kakasuhan siya ng biktima dahil sa umanoy pakikipagsabwatan sa kanyang pasahero.
Abot abot naman ang paghingi ng tawad ng mga suspek kay aling morena subalit desido ang biktima na sampahan sila ng kasong robbery snatching.
Nagpasalamat naman ang mga otoridad sa mga concern citizen na tumulong para mahuli ang dalawang suspek.
Nakakulong na ang dalawa habang naghihintay ng pormal na kaso.
(Benedict Galazan/UNTV Radio)
