Taas pasahe sa Jeep, Bus, Taxi at TNVS, epektibo ngayong araw

by Radyo La Verdad | October 3, 2022 (Monday) | 18772

METRO MANILA – Epektibo na ngayong araw (October 3) ang taas pasahe sa halos lahat ng uri ng public land transportation, alinsunod sa inaprubahan ng Land Transportation and Franchising Regulatory Board  (LTFRB).

Sa mga Public Utility Jeep (PUJ) piso ang provisional increase sa minimum na pasahe sa unang 4 na kilometro.

Dahil dito P12 na ang minimum fare sa traditional PUJ, habang P14 sa modern PUJ.

P0.30 hanggang P1.80 naman ang dagdag pasahe sa mga susunod na kilometro sa traditional PUJ.

Habang P0.40  hanggang P2.20 sa sa modern PUJ.

Para naman sa mga public utility buses, P2 ang dagdag sa minimum fare sa unang 5 kilometro ng City buses.

Dahil dito magiging P13 na ang minimum na pasahe sa regular buses, habang P15 sa air-conditioned na mga bus.

P2.25 ang dagdag kilometro sa regular buses. P2 naman ang dadag pasahe sa mga provincial buses, dahil dito magiging P11 na ang minimum fare.

At sa mga susunod na kilometro P1.90 hanggang P2.90 ang dagdag pasahe depende sa uri ng bus.

May taas pasahe rin sa mga taxi at Transport Network Vehicle Services (TNVS).

Sa mga taxi, magiging P45 na ang flagdown rate, maliban sa Cordillera Administrative Region, na P40 ang flagdown rate.

Para naman sa TNVS, magiging P35 na ang base fare sa hatchback-type vehicles; P45 sa mga sedan-type; At P55 sa Asian Utility Vehicles (AUV’s) at Sports Utility Vehicles (SUV’s).

Paalala naman ng LTFRB sa mga pasahero siguraduhing may fare matrix o taripa ang kanilang sasakayan dahil ito magsisilbi ninyong gabay, kung magkano ang babayaran sa pagsakay.

Kapag walang fare matrix  ay hindi maaaring maningil ng dagdag pasahe ang mga tsuper ng mga pampublikong sasakyan.

(JP Nunez | UNTV News)

Tags: , , , ,

LTFRB, sinabing wala nang extension sa provisional authority to operate ng unconsolidated jeeps

by Radyo La Verdad | June 13, 2024 (Thursday) | 7056

METRO MANILA – Inanunsyo ng Land Transportation Franchising and Regulatory Board (LTFRB) na wala nang extension sa provisional authority to operate ng mga jeep na hindi nakapasok sa franchise consolidation.

Binigyang-diin ni LTFRB Chairperson Teofilo Guadiz III na hindi na nila nais pag-aralan pa ang nasabing request ng ibang mga driver at operator dahil nakatuon na sila ngayon sa implementasyon ng modernization program.

Sinimulan na ng ahensya ang crackdown sa mga colorum na jeep gamit ang ibang pamamaraan dahil wala pang available na guidelines para sa on the ground apprehension ng unconsolidated jeepneys.

Wala pang approval ng Department of Transportation (DOTr) ang dapat gawin ukol dito.

Kailangan namang magpakita ng papeles ng isang jeep na mahuhuling hindi rehistrado para mapatunayan na sila ay nakapag-consolidate kapag tinubos na nila ito.

Tags: ,

Operator ng jeep na nang body shame sa isang pasahero, ipinatatawag ng LTFRB

by Radyo La Verdad | June 12, 2024 (Wednesday) | 4691

METRO MANILA – Inisyuhan na ng show cause order ng Land Transportation Franchising and Regulatory Board (LTFRB) ang operator ng jeep na nag body shame sa isang pasahero noong June 7.

Ipinatatawag ng LTFRB ang may-ari ng jeep na sangkot sa insidente at pinadadalo sa isang pagdinig na gaganapin sa Biyernes ng alas dos y medya ng hapon.

Nag-ugat ang isyu mula sa post ng pasaherong si Joysh Gutierrez.

Kwento nito, pinababa siya ng driver ng jeep na kaniyang nasakyan, dahil umano sa pagiging mataba ng kaniyang pangangatawan.

Kinunan niya ito ng video, at dumulog sa kinauukulan upang ireklamo ang pangbabastos at pamamahiya sa kaniya ng driver.

Muli namang ipinaalala ng LTFRB na hindi maaaring mamimili ng pasahero ang mga driver ng mga pampublikong sasakyan, at lalo’t higit na ipinababawal ang pagtanggi sa ang mga ito dahil lamang sa kanilang timbang.

Tags:

LTFRB at DOTr, hinimok ng House Solons na payagang bumiyahe ang unconsolidated jeepneys

by Radyo La Verdad | May 22, 2024 (Wednesday) | 8341

METRO MANILA – Hinimok ng ilang mga Kongresista ang Land Transportation Franchising and Regulatory Board (LTFRB) at Department of Transportation (DOTr) na payagang makabyahe ang mga unconsolidated jeepney kahit natapos na ang deadline ng franchise consolidation.

Nanawagan sila na huwag gawing sapilitan ang franchise consolidation.

Ayon naman kay LTFRB Chairman Teofilo Guadiz III, pag-aaralan nila ang swestyon ni Rizal 3rd District Representative Jose Arturo Garcia Jr. na payagan na lang muna ang mga ayaw talagang magpa-consolidate.

Tags: ,

More News