Sa tala ng Philippine Drug Enforcement Agency o PDEA, mula Enero ngayong taon hanggang ngayong buwan, mahigit 600,000 na ang mga sumuko na may kaugnayan sa droga, siyam na porsyento rito ang kinakailangan na ma-confine sa drug rehabilitation, habang ang iba ay dapat masailalim sa intervention programs
Sa pagdinig ng senado, muling nadiin ang kakulangan ng rehabilitation facilities ng Department of Health, at kahit maging sa loob ng kulungan.
Samantala, ang mga sumusukong tulak ng droga, bumabalik nalang sa kani-kanilang kumunidad at hindi na nasusulosyonan ang kanilang drug dependency.
Ayon kay PNP Chief Ronald dela Rosa, bagaman nais niyang wakasan ang problema ng droga, wala siyang magawa kundi ipaubaya nalang ang mga nahuhuli sa lokal na pamahalaan.
Ayon kay Sen. Risa Hontiveros, dapat nang tignan bilang isang public health problem ang drug dependency, dahil kung hindi mareresolba ang pagkakaadik sa droga, babalik at babalik lang ang problema na ito.
Ibinahagi naman ni National Youth Commission Chair Aiza Seguerra ang kanilang maiaambag sa pagsupo ng problema sa droga lalo na sa kabataan.
Bawat sangay ng gobyerno ay umaasa na masosolusyonan na sa lalong madaling panahon ang problema sa droga.
Sa susunod na pagdinig, umaasa ang senado na mas mabibigyang linaw pa ang mga hakbang upang maresolba ang problemang ito sa pamamagitan ng pagpasa ng mga batas.
(Joyce Balancio/UNTV Radio)
Tinalakay ng House Committee on Dangerous Drugs ang isang panukalang batas para sa agarang pagsira ng mga nakumpiskang iligal na droga.
Layon ng house bill number 7094 masolusyunan ang umanoy recycling o pagbebenta ulit ng mga nakumpiskang iligal na droga.
Sa ilalim ng panukalang batas, ang mga nakumpiska, isinuko, plant sources, at mga kemikal na ginagamit sa paggawa ng iligal na droga ay agad na sisisrain sa loob ng bente kwatro oras matapos mailabas ang certification ng forensic laboratory examination results.
Ngunit, sa gitna ng talakayan ng mga mambabatas at mga ahensya ng gobyerno naungkat ang isang reward scheme sa Philippine Drug Enforcement Agency.
Ayon kay PDEA Dir. Gen. Moro Virgilio Lazo, may mga informant umano na nagaalok ng tulong kapalit ng ilang porsyento ng makukumpiskang droga.
“Ang sistema Sir, I do not have to spend anything. They will do all the work but they asking 30 percent of the actual seizures as their payment. I outrightly told them, that as far as my administration is concerned we are only to give them the monetary value through our rewards system,” ayon kay Moro Virgilio Lazo, Director General, PDEA.
Sa ilalim ng rewards system ng PDEA, maaaring makakuha ang isang informant ng 2 milyong piso kapalit ng pagtulong nila sa anumang drug operation.
Iginiit din ni Director General Lazo na hindi sila sumasangayon sa sistemang droga ang ipinambabayad sa mga informant. Iniulat din ng opisyal na wala pang parusa na ibinibigay sa nag-alok na informant.
Ikinabahala naman ng mga mambabatas ang naging pahayag ng PDEA Chief.
Magsasagawa ng imbestigasyon ang komite upang kumpirmahin ang impormasyong inilahad ng pdea tungkol sa droga ang pabuya scheme.
Aileen Cerrudo | UNTV News
METRO MANILA, Philippines – Naniniwala si Philippine Drug Enforcement Agency Director Aaron Aquino na kilala ng mga botante sa kani-kanilang mga lugar ang mga narcopolitician o mga pulitiko na sangkot at protektor ng iligal na droga sa bansa
Bunsod nito hinihikayat niya ang mga botante sa darating na halalan na huwag ihalal ang mga ito
“Mamili sila nang maayos dahil sila rin ang magiging biktima, mga anak nila. Sila rin ang magdudusa na hindi mabibigyan ng tamang ayos ‘yung kanilang mga barangay at komunidad kung magkakaroon sila ng isang politician na involved sa illegal drugs,” aniya
Ginawa ni Director Aquino ang pahayag nang magtungo ito sa Calapan City, Oriental Mindoro upang pasinayaan ang bagong gusali ng PDEA sa Mimaropa Region.
Ayon kay Aquino, patuloy na nadaragdagan ang bilang ng mga narcopolitician sa bansa na binubuo ng mga opisyal ng barangay at mga alkalde.
Sa Mimaropa Region, tanging ang probinsiya lamang ng Marinduque ang wala aniyang kabilang sa narcolist.
“Ang narcolist ngayon na nasa amin ay over six thousand ang total. It started about three thousand. It doubled pagdating ng 2018. In short, dumadami ng dumadami.”
Apela naman ng PDEA sa publiko sa darating na halalan, maging matalino sa iluluklok sa pwesto
Hirit ni Aquino, “Dapat maging vigilant tayo. Alam na alam naman natin siguro kung sino ang mga politicians na involved sa illegal drugs. So, bakit pa natin sila ihahalal na mayor o kung anong posisyon pa sa ating bayan?”
(Sherwin Culobong | UNTV News)
Tags: 2019 midterm elections, election 2019, pdea, PDEA Dir. Aaron Aquino, Philippine Drug Enforcement Agency
May record na sa National Bureau of Investigation (NBI) at Philippine Drug Enforcement Agency (PDEA) ang mag-live in partner na sina Maria Kristina Sergio at Julius Lacanilao bilang mga drug mule bago nasangkot sa illegal recruitment sa Nueva Ecija.
Sinabi ni Justice Secretary Leila de Lima na lumabas sa pagpupulong ng DOJ Special Task Force on Veloso case sa PDEA at PNP na 2011 pa lamang ay sinimulan na nilang i-monitor ang bilang mga drug mule na labas pasok ng bansa.
Pero ayon pa kay De Lima, inaalam pa kung anong drug syndicate nagtatrabaho ang dalawa noong bago pa sila sumabak sa pang-rerecruit ng mga kababayan nila sa nabanggit na lalawigan.
Dahil sa inter-agency meeting kanina, lumalakas ngayon ang kaso ng DOJ laban kina Sergio at Lacanilao.
Dumalo din sa pagpupulong si PNP OIC Chief Leonardo Espina na nagsabing mahigpit silang makikipag-ugnayan sa DOJ para masawata ang mga drug syndicate na namnbibiktima ng mga Pinoy na ginagawang drug courier.
Samantala, nanumpa na kay Assistant state prosecutor Mark Estepa ang sampu pang ibang biktima ng illegal recruitment na magdidiin sa mag-live in partner sa mga kasong large scale illegal recruitment.(Jerolf Acaba/UNTV Radio)
Tags: drug mule, Justice Secretary Leila de Lima, Maria Kristina Sergio, Mary Jane Veloso, Philippine Drug Enforcement Agency
