Manila, Philippines – Umaasa ang Department of Energy (DOE) na madaragdagan na ang suplay ng kuryente ngayong Miyerkules dahil sa nakatakdang muling pagbubukas ng mga bumigay na planta noong nakaraang Linggo.
Limang power plant ang bumigay noong nakaraang Linggo kaya naman kinulang ang reserbang kuryente na nagsu-suplay sa malaking bahagi ng Metro Manila.
Dahil dito maraming mga residente ang na-apektuhan ng halos tatlong oras na brownout. Ilang araw na nagdeklara ng red alert status ang National Grid Corportation of the Philippines (NGCP) dahil naubos ang reserbang kuryente.
“Nagkaroon ng pagshutdown sa spcp nadagdag itong planta na bumigay. It conked out and it added another 150MW sa naka-out na planta… so apat na planta plus this on 150MW lumala sitwasyon” ani DOE Spokesperson Usec.Wimpy Fuentebella.
Subalit dahil sa tindi ng init maraming mga residente ang naperwisyo ng brownout.
Ayon naman sa meralco kinausap na nila ang ilan sa kanilang mga partner customer gaya ng malalaking mga mall at iba pang mga business establishment na gamitin ang interruptible load program (ILP).
Sa ilalim ng ILP, kusang binubuksan ng mga malalaking establisyimento ang kanilang mga generator upang makabawas sa demand ng kuryente mula sa power grid.
Nakiusap naman ang Meralco at NGCP sa publiko na palaging icheck ang kanilang mga social media sites upang manatiling updated sa mga lugar na posibleng makaranas ng rotational brownout.
( Joan Nano | Untv News)
Tags: Department of Energy (DOE), National Grid Corporation of the Philippines
Metro Manila, Philippines – Tataas ang singil sa kuryente ng Meralco ngayong buwan. Ang dagdag singil ay dulot ng pagmahal ng kuryente sa Wholesale Electricity Spot Market (WESM), paghina ng piso kontra dolyar at pagtaas ng generation charge.
Sa mga customer ng meralco na komokonsumo ng 200 Kilowatts kada buwan, magkakaroon ng mahigit 12 pesos na dagdag sa bill habang ang mga komokonsumo ng 500 Kilowatts kada buwan ay mayroong mahigit 31 pesos na dagdag bayarin.
Ayon sa Meralco, posible na magakakaroon ulit ng pagtaas sa singil sa kuryente sa susunod na buwan dahil sa epekto ng madalas na pagkakaroon ng yellow alert.
Kahapon ay muling isinailalim sa yellow alert ang buong luzon.Ayon sa National Grid Corporation of the Philippines (NGCP), nasa 10,438 megawatts ang peak demand sa luzon habang nasa 829 megawatts lamang ang reserba.
“So the whole week last week we have five days of yellow alert and then today we have another yellow alert so that will affect spot market prices once more which may affect generation charge” tinig ni Meralco Utilities and Economics Head Larry Fernandez
Ayon sa meralco, bagama’t maituturing na maliit ang dagdag singil dapat pa ring magtipid ang lahat sa paggamit ng kuryente.
(Mon Jocson | Untv News)
Magpapatupad ng big time oil price hike sa mga produktong petrolyo ngayong linggo.
Ayon sa industry sources, aabot sa P1.30 kada litro ang idadagdag sa gasolina at piso naman sa kada litro ng diesel.
Ang kerosene ay magtataas din ng hanggang P1.30 kada litro.
Una nang ipinahayag ng Department of Energy (DOE) na ang mabagal na supply ng krudo sa world market ang isa sa mga dahilan ng pagtaas ng presyo ng langis kasunod na rin umano ng nangyaring gulo sa Nigeria.
Bukod dito, nakakaapekto rin umano ang naganap na wild fire sa Canada kung saan ang apektadong lugar ay malapit sa pinagkukunan at pinagmiminahan ng krudo.
(UNTV RADIO)
Inihayag ng Department of Energy (DOE) na walang inaasahang brownout ngayong linggo.
Noong Biyernes, nawalan ng suplay ng kuryente ang ilang bahagi ng Luzon dahil sa pagbagsak ng Sual Power plant pero naibalik din ito agad.
Ayon kay DOE Secretary Jericho Petilla, sunod na isasara ang Malampaya natural gas facility dahil sa ilalagay na pangalawang platform.
Wala naman dapat ipangamba ang publiko dahil kahit mawala ang 780 megawatts na suplay mula sa Malampaya, may ginawa namang paraan ang ahensya.
Katunayan anya may ibang planta nang nakaabang na mapagkukunan ng nasa 180 hanggang 360 megawatts (MW) na karagdagang suplay, bukod pa sa 900 MW mula sa Interruptible Load Program (ILP).
