Sunog sumiklab kagabi sa Bagong Barrio sa Caloocan City

by Radyo La Verdad | November 26, 2015 (Thursday) | 2107

CALOOCAN-FIRE
Nasunog ang 13 bahay sa General Tirona St. Bagong Barrio sa Caloocan City kagabi.

Ayon kay Fire Superintendent Antonio Razal, alas otso kinse kagabi nang sumiklab ang apoy sa bahay na pagmamayari ni Nardo Pesca.

Umabot sa ikaapat na alarma ang sunog bago ito naapula dakong alas-10:30 kagabi.

Wala namang naitalang nasugatan o namatay sa insidente.

Isa sa mga tinitingnan na pinagmulan ng apoy ay napabayaan nakasinding kandila dahil wala umanong kuryente ang bahay.

Tinatayang aabot sa tatlong daang libong piso ang halaga ng napinsala ng sunog.

Magbibigay ng tulong ang lgu ng Caloocan City ang 15 pamilya naapektuhan. (Reynante Ponte/UNTV News)

Tags: , ,