Nirespondehan ng UNTV News and Rescue Team ang isang aksidente sa Barangay Mulawin, Orani Bataan.

Nadatnan ng grupo ang dalawang lalakeng sugatan matapos magbangaan ang sinasakyang motorsiklo at bisekleta.

Kinilala ang mga ito na sina Tristan Reyes, driver ng motorsiklo at ang sakay ng bisekleta na si Roel Briones na kapwa residente ng Barangay Mulawin.

Nagtamo ng sugat at gasgas sa baba, siko, hita at paa si Tristan na agad na nilapatan ng pangunang lunas ng grupo.

Habang nilagyan naman ng splint ang kaliwang paa at balakang ni Roel upang ma-immobilize.

Matapos mabigyan ng first aid ay agad isinugod sa Orani District Hospital at Bataan General Hospital ang mga biktima para sa karagdagang atensyong medikal.

Ayon sa kwento ni Tristan, pauwi na sya sakay ng motorsiklo noong biyernes ng gabi nang makita nya ang paliko-likong takbo ng bisikleta na bigla na lamang sumalpok sa kanya.

Tags: Bataan, UNTV News and Rescue Team