Naglabas na ng subpoena ang Department of Justice para sa itinuturong recruiter ni Mary Jane Veloso na si Maria Kristina Sergio at Julius Lacanilao.
Batay sa subpoena na inisyu ni Assistant State Prosecutor Susan Azarcon na may petsang Abril 29, Inuutusan nila ang kampo ni Sergio na dumalo sa itinakdang preliminary investigation sa Mayo 8 at Mayo 14 kasabay ng pagsumite ng kontra-salaysay base sa reklamong illegal recruitment, human trafficking at estafa na isinampa laban sa kanila.
Matatandaang sinampahan ng mga naturang kaso ng NBI sina Sergio, Lacanilao at isang African National na kinilala lamang sa alyas ‘Ike’.
Nakatakda namang isilbi ang subpoena kay Sergio ngayong araw sa Kampo Krame kung saan nagpailalim sila sa kustodiya ng PNP.(Jerolf Acaba/UNTV Radio)
Tags: human trafficking, illegal recruitment, Indonesia, Maria Kristina Sergio, subpoena
METRO MANILA – Suportado ni Bureau of Immigration (BI) Commissioner Jaime Morente ang isinasagawang imbestigasyon ni Senator Risa Hontiveros kasama ang komite ng Women, Children, Family Relations and Gender Equality hinggil sa pagkakadawit ng ilang kawani ng ahensya sa human trafficking.
Pahayag ni BI Commissioner Morente, hindi kukundinahin nila ang mga tiwaling kawani at papatawan ng nararapat na kaparusahan ang sinomang mapatunayang sangkot sa trafficking schemes.
Kaugnay nito, nasa 86 immigration officers na hinihinalang sangkot sa nasabing ilegal na aktibidad ang sinuspinde ng ahensiya batay sa isinagawang imbestigasyon ng Senate committee, DOJ, NBI at office of the Ombudsman.
Dagdag pa ng Commisioner,patuloy ang isinasagawa nilang internal checking sa mga
opisyales at manggagawa ng ahensiya upang masigurado ang kaligtasan ng ating mga kababayan sa ganitong klase ng krimen.
Batay sa ulat ng BI sa nakalipas na 2 taon (2019-2020), humigit sa 50,000 na mga Pilipino ang pinigilan sa pag-alis ng bansa kung saan ilan sa mga dahilan nito ay mga illegal recruitment at human trafficking.
(Kyle Nowel Ballad | La Verdad Correspondent)
Tags: human trafficking
SUMATRA, Indonesia – Umabot na sa mahigit 220 ang nasawi samantalang daan-daan ang sugatan sa mga isla ng Java at Sumatra sa Indonesia dahil sa tsunami noong Sabado ng gabi. Pinaniniwalaang bunga ito ng underwater landslide matapos ang pagputok ng bulkang Anak Krakatau.
Pinangangambahang tumaas pa ang bilang ng mga nasawi at sugatan dahil marami pa ang posibleng nadaganan ng mga gumuhong istruktura. Kaya naman nagmamadali na ang mga awtoridad sa pagsasagawa ng search and rescue operations.
Ngunit hirap makapasok ang mga ambulansya at rescue worker sa mga lubhang naapektuhang lugar dahil sa mga kalsadang nabarahan ng mga debris.
Ani Indonesian President Joko Widodo, “I want to express my deep sorrow for the victims in Serang, Pandeglang and Banten Provice. May those who are left be patient.”
Nagbabala naman ang awtoridad sa mga residente at turista sa coastal areas sa paligid ng Sunda Strait na lumayo muna sa mga dalampasigan lalo na at nananatili ang high-tide warning sa lugar hanggang ika-25 ng Disyembre.
Samantala, sinabi naman ng Department of Foreign Affairs na walang Pilipino na nasawi o nasugatan dahil sa insidente. Ngunit ayon sa kagawaran, patuloy nilang binabantayan ang kalagayan ng ating mga kababayan sa lugar.
Sa tala ng embahada ng Pilipinas sa Jakarta, mayroong 220 miyembro ng Filipino community sa mga apektadong lugar.
Tags: anak krakatau, Indonesia, java, sumatra, tsunami
Sinalakay ng mga tauhan ng CIDG-Anti Transnational Crime Unit ang isang unit sa Qubix residences sa Pedro Gil St., Paco, Manila noong Miyerkules. Ito’y upang hulihin ang mag live-in partner na sina Eladio Cabrera at Melissa Cardona.
Ayon kay CIDG-ATCU Chief PSupt. Roque Merdegia Jr., ang dalawa ay inireklamo ng tatlong aplikante na pinangakuang makapagtatrabaho sa Dubai at Qatar.
Sinabi ng isa sa biktima na P30 libong piso ang hinihingi sa kanila kapalit ng affidavit ng sponsorship mula sa opisina ng umano’y consulate ng Pilipinas sa Dubai at Qatar.
Sa pakikipag-ugnayan sa Philippine Overseas Employment Administration (POEA), nalaman ng mga biktima na hindi otorisadong mag-recruit sa kahit anong bansa ang dalawang suspek.
Nakuha sa mga suspek ang mga computer at dry seal ng iba’t-ibang konsulada ng Pilipinas sa Middle East na ginagamit sa pamemeke ng mga dokumento.
Ang dalawang suspek ay kinasuhan na ng illegal recruitment, swindling at falsification of public document.
( Lea Ylagan / UNTV Correspondent )
Tags: CIDG, illegal recruitment, Maynila
