Pinagbabaril ng hindi pa nakikilalang suspek ang isang estudyante ng STI Calamba, Laguna mag-aalas otso kagabi.
Kinilala ang biktima na si Ridge Villan, isang HRM student at hinirang ng eskwelahan bilang Mr.STI ngayong taon.
Ayon sa kaklase ni Villan, nag-aabang sila ng pampasaherong jeep ng biglang lapitan ang biktima ng gunman at pinagbabaril ito sa ulo.
Agad umanong tumakas ang suspek na nakasuot ng sumbrero na sinundo ng kasamahan nitong sakay ng motorsiklo.
Tatlong basyo ng bala ng baril ang nakuha sa crime scene.
Patuloy naman ang isinasagawang imbestigasyon ng Calamba police hinggil sa motibo ng pamamaril.
Umaasa ang mga kaklase ng biktima na agad na mahuhuli ang mga suspect lalo na’t mayroon namang cctv na malapit sa lugar.
(Sherwin Culubong / UNTV Correspondent)
