Isang masiglang awit-papuri sa Panginoon na likha ng isang science teacher mula sa Bulacan, ang itinanghal na third weekly winner ng Disyembre sa A Song of Praise o ASOP Year 7 kagabi.
Taong 2003 pa nang isulat ni Rolando Tan ang awit, at nang mapanood niya ang ASOP ay nakita niya ito bilang pagkakataong upang ang kanyang komposisyon na ‘Di Magsasawa sa ‘Yo’ ay maging inspirasyon sa iba.
Samantala, maging ang interpreter nito na si Lucky Robles ay na-touch ng awit. Bagama’t ito ang unang beses na sumali si Rolando sa ASOP, umani na agad ng papuri ang kaniyang komposisyon.
Tinalo ng awit ang entries na aking ama ni Alvio Garzon at isang haing buhay ni Elvin De Jose.
( Leslie Longboen UNTV Correspondent )
Tags: 2nd weekly elimination, ASOP Year 7, guro
METRO MANILA – Ilalabas na ngayong araw (December 19) ng Department of Education (DepEd) ang P18,000 na halaga ng Service Recognition Incentive (SRI) para sa mga kwalipikadong guro at iba pang kawani sa pampublikong paaralan.
Sa isang memorandum na may petsang December 15, sinabi ng DepEd na ang mga tanggapan ng schools division at iba pang implementing units ay magsisimula ng proseso ng pamamahagi sa Lunes, December 18, at ang distribusyon nito sa cash ay sa susunod na araw.
Mayroong exemption sa cash-only mode ng SRI distribution para sa mga guro sa malalayong lugar kung kanilang isusumite ang isang sulat na nagpapahayag ng kanilang hiling. Maaaring ipasa ang kanilang SRI sa kanilang payroll atms, ayon sa kagawaran.
Ang lahat aniya ng mga opisina na may kinalaman sa proseso ng pagpapalabas ng SRI ay inaasahan na magpabilis ng pagbabayad, alinsunod sa karaniwang patakaran sa budget, accounting, at auditing.
METRO MANILA, Philippines – Muli namang nanawagan ang isang grupo ng mga guro na itaas ang kanilang buwanang sahod.
Ayon naman kay Secretary Leonor Briones, pinag-aaralan pa ng Department of Budget and Management ang hiling na umento sa sahod ng mga guro.
Kasabay ng pagbubukas ng klase kahapon, June 3, 2019, muling nanawagan ang grupo ng mga guro sa pamahalaan ang matagal na nilang kahilingan na dagdagan ang kanilang sahod.
Ayon kay Wilhelmina Vibar ng Alliance of Concerned Teachers Malabon, hindi sapat ang P20,000 monthly minimum salary ng isang teacher upang tustusan ang lahat ng kanyang pangangailangan.
Mayroon man ang gobyerno na binibigay sa atin through MOOE, at mayroon ding tulong ng local government, pero parang hindi pa rin sapat. Kakulangan pa rin. Kaya ang teacher, humuhugot pa rin sa sarili nilang bulsa para mapaganda ang classroom, para maging kaiga-igaya maayos sa pasukan,” ayon sa Grade 4 Teacher & ACT President- Malabon Wilhelmina Vibar.
Apela ng grupo sa pamahalaan, doblehin ang sweldo ng mga guro gaya ng ginawa ng Pangulo sa sahod ng mga sundalo at pulis.
Ayon naman sa Department of Education, kasama ang pagbibigay ng dagdag sweldo sa mga guro sa nais nilang matugunan sa hinaharap ngunit nasa Department and Management ang kapalaran nito.
“Ang sabi ng DBM gumagawa sila ngayon ng study hindi lamang ang sweldo ng teachers ang pinag-aaralan kundi ang sweldo ng Public Sector. Mahirap para sa isang pamahalaan na kung mag-increase ka ng salary sa isang sector at maiiwanan, magwa-widen iyong gap,” ayon kay DepEd Secretary Leonor Briones.
Aabot sa P150 Billion pesos ang kailangang dagdag pondo para sa salary increase sa tinatayang mahigit siyam na raang libong guro sa bansa.
Tiniyak naman ng Malacañang na tutuparin ng Pangulo ang pangako nito sa mga guro.
“The President is working on that. And hopefully, that can be responded to, our economic managers are doing everything to see how things can be done,” ayon kay Presidential Spokesperson and Chief Presidential Legal Counsel Salvador Panelo.
(April Cenedoza | UNTV News)
Tags: Department of Budget and Management, Department of Education, DepEd, guro
Tinatrabaho na ngayon ng Department of Education (DepEd) na maisulong ang karagdagang chalk allowance ng mga guro sa susunod na taon.
Sa kasalukuyan, nakakatanggap ang mga mahigit walong daang libong guro sa bansa ng 3,500 pisong chalk allowance.
Mula 2015, tumaas ang chalk allowance ng mga guro mula sa P1,000 hanggang P1,500, itinaaas naman ito ng P2,500 sa ilalim ng 2017 national budget.
At ngayong taon, nadadagan ito ng P1,000 upang mabuo ang P3,500 chalk allowance. Dito nila kinukuha ang mga panggastos nila para sa kanilang classroom supplies gaya ng chalk, ballpens, eraser, mga papel at iba pang gamit.
Ayon sa DepEd, panukala nilang madagdagan ang chalk allowance ng mga guro at gawin itong P5,000 sa susunod na taon.
Ngayong araw ay sasalang ang DepEd sa Senado upang ilatag ang panukalang dagdag cash allowance at mga benepisyo ng mga guro sa buong bansa.
Bukod dito, ilalapit din nila ang ilang benepisyong pinansiyal ng mga guro at maging ng mga empleyado sa lahat ng paaralaan kung hindi man maitataas pa ang natatanggap nilang sahod.
Ipinaliwanag din ng DepEd na Oktubre pa lang ay may guidelines na kung paano ipo-proseso ng mga DepEd offices sa buong bansa ang anniversary bonus ng mga guro.
Sinisiguro ng DepEd na natanggap na ito ng mga guro bago pa pumasok ang Disyembre.
( Aiko Miguel / UNTV Correspondent )
Tags: chalk allowance, DepEd, guro
