Siyam pa sa dalawampu’t tatlong mga preso na nakatakas sa Bacoor City Lock Up Cell noong Biyernes ng hapon ang patuloy na tinutugis ng Bacoor police.
Sa ngayon ay nasa labing dalawa na ang naaresto at dalawa naman ang boluntaryong sumuko sa pulisya.
Ayon sa PNP, tuloy-tuloy ang kanilang manhunt operations laban sa mga suspek at naglagay na rin sila ng mga checkpoints sa iba’t-ibang lugar. Naglagay na rin sila ng larawan ng mga ito sa social media.
Ayon kay Bacoor City police chief Superintendent Vicente Cabatingan, planado ang ginawang pagtakas ng mga suspek.
Tumiyempo umano ang mga bilanggo na makatakas noong may ipapasok na preso sa selda.
Bunsod ng pangyayari ay nirelieve na pwesto ang siyam na pulis na bantay sa oras na mangyari ang insidente, kabilang na ang station commander ng mga ito.
Pansamantala namang inihinto ang dalaw sa Lock Up Cell hangga’t hindi pa naibabalik sa normal ang sitwasyon.
Nananawagan naman ang Bacoor City police sa publiko na agad ipagbigay alam sa kanila kung may nalalaman sa kinaroroonan ng mga nakatakas na suspek.
( Reynante Ponte / UNTV Correspondent )
Tags: Bacoor City Lock Up Cell, PNP, preso
METRO MANILA – Ipinagbabawal na ng Philippine National Police (PNP) ang pagkakaroon ng tattoo sa lahat ng uniformed at non-uniformed personnel nito.
Ayon kay PNP Public Information Office Chief PCol. Jean Fajardo, mayroong polisiya ang PNP na nagbabawal sa paglalagay ng tattoo sa katawan lalo na yung nakalabas sa uniporme.
Hindi naman tatanggapin ng PNP ang mga aplikante na mayroong tattoo kahit na nakatago ito sa katawan.
Binalaan naman ng pulisya ang mga hindi susunod sa polisiya na burahin ang mga visibile na tattoo sa katawan na isasailalim sila sa imbestigasyon.
METRO MANILA – Magsasanib-pwersa na ang Department of Transportation (DOTr), Metropolitan Manila Development Authority (MMDA), at Philippine National Police (PNP) sa mga anti colorum operations sa bansa.
Isang kasunduan ang nilagdaan ng MMDA, DOTr, at DILG para bumuo ng isang joint task force para palakasin ang pwersa ng mga nanghuhuli sa kalsada.
Ang nasabing hakbang ay kasunod ng kautusan ni Pangulong Ferdinand Marcos Jr. sa Department of the Interior and Local Government (DILG) na tutukan ang operasyon sa mga colorum vehicle.
Tags: anti-colorum, MMDA, PNP
METRO MANILA – Hindi pa rin natutunton ng Davao Police ang leader ng Kingdom of Jesus Christ (KOJC) founder Apollo Quiboloy.
Matapos na puntahan ng mga otoridad ang 3 property nito sa Davao kahapon (April 4).
Ayon kay Philippine National Police (PNP) Public Information Office (PIO) Chief Police Colonel Jean Fajardo, bumuo na ng tracker team ang PNP upang mapabilis ang paghahanap kay Quiboloy.
Dagdag pa ni PCol. Fajardo obligadong humarap sa otoridad si Quiboloy at hindi pwedeng abogado lamang nito ang magpapakita.
Tags: Apollo Quiboloy., PNP, Tracker Team
