Sa kasagsagan ng bagyong Lando naabutan ng UNTV News team si Nanay Marlyn na sa gitna ng malakas na ulan at pagbugso ng malakas na hangin ay nagwawalis sa baywalk kasama ang mga kapwa side sweeper ng Manila Department of Public Service.

Sa loob ng siyam na taon niyang pagiging side sweeper, taon-taon din siyang naglilinis ng tambak na basura sa bay walk pagkatapos ng bagyo.

Hindi na nila hihintaying na matapos ang bagyo bago sila maglinis dahil hindi magiging kaaya-aya sa mga namamasyal sa bay walk lalo na sa mga banyaga na makita ang tambak na basura.

Pakiusap nila sa ating mga kababayan maging responsable sa pagtatapon ng mga basura.(Benedict Galazan/UNTV Correspondent)

Tags: side sweeper