Hindi nababahala si Senator Grace Poe at nanatiling positibo sa kabila ng patuloy na pagtaas at pangunguna sa survey ni Presidential candidate at Davao City Mayor Rodrigo Duterte.
Ayon kay Poe, bagama’t nirerespeto nito ang mga inilalabas na resulta ng survey, ay hindi aniya ito dapat na pagbatayan at gawing garantiya sa pagkapanalo ng isang kandidato.
Saad ng senadora na hinihikayat nito ang taumbayan na pagisipang mabuti kung anong pagbabago ang nais ng mga ito para sa ating bansa. Giit ni Poe na kailangan aniya ng bansa ng makataong pagbabago.
Samantala, para naman kay Vice President Jejomar Binay, hindi na aniya ito naniniwala sa kredebilidad ng survey.
(Jerico Albano / UNTV Correspondent)
