Kinumpirma ni Senador Aquilino “Koko” Pimentel na labing pitong senador na ang sumuporta na sa kanya bilang susunod na Senate President.
Kabilang sa mga senador na lumagda sa resolusyon ay mula sa Liberal Party, Akbayan, Nacionalist Peoples Coalition, Independent, United Nationalist Alliance at Laban ng Demokratikong Pilipino.
“It’s an agreement which i hope captures our common principles, our common interest and agenda so nandoon what we have in common with the president.” Pahayag ni Sen. Koko Pimentel
Hindi pa kasama sa lumalagda sa resolusyon sina Sen. Alan Peter Cayetano, Cynthia Villar, Juan Miguel Zubirri, Richard Gordon at JV Ejercito.
Samantala, sinabi naman ni incumbent Senate President Franklin Drilon, mas pinili na lang nilang suportahan si Pimentel na nag-iisang miyembro ng PDP LABAN sa senado para sa kapakanan ng institusyon.
(UNTV RADIO)
