Sen. Manny Pacquiao, mas magiging aktibo sa pagdalo sa sesyon ng Senado; death penalty bill isinulong rin

by Radyo La Verdad | July 5, 2016 (Tuesday) | 2536

Bukod kina Senators Panfilo Lacson at Vicente Sotto III ay naghain rin si Senador Manny Pacquiao ng death penalty bill.

Ayon kay Pacquiao saklaw ng kanyang panukala ang mga gumagawa ng heinous crimes.

Halimbawa nito ang rape with murder, drug trafficking, kidnap for ransom at robbery with murder.

Batayan nya ang nakasaad sa Article III Section 19 ng Saligang Batas.

Bumisita kahapon si Senador Pacquiao sa Senado upang tignan ang magiging opisina nito.

Inihayag nito na may ilang bill na rin syang naihain na may kinalaman sa culture and sports.

Interesado rin syang mamuno sa Senate Committee on Games, Amusement and Sports.

Ayon kay Pacquiao, sisikapin niyang makadalo palagi sa sesyon ng Senado at makipagbalitaktakan sa kapwa Senado.

(Bryan De Paz / UNTV Correspondent)