Nakaalis na ng bansa kahapon ang labing-anim na kinatawan ng Pilipinas sa gaganaping Universal Periodic Review sa Geneva, Switzerland sa Lunes.

Pinangungunahan ng delegation team nina Sen. Alan Peter Cayetano at Deputy Executive Secretary Menardo Guevarra.

Magpiprisinta ang nasabing team ng mga human rights-based development programs para mapatunayang sumusunod ang Pilipinas sa obligasyon nito sa walong international treaties.

Kasama rin sa delegasyon ng kinatawan mula sa Presidential Human Rights Committee, House of Representatives, Department of Foreign Affairs, Department of Justice at iba pang ahensya ng pamahalaan.

Ang Universal Periodic Review ay nagaganap kada tatlo o apat na taon kung saan nagpiprisinta ang mga bansa sa United Nations Human Rights Council.

Tags: Deputy Executive Sec. Menardo Guevarra, Phil. Delegation, Sen. Alan Peter Cayetano, Switzerland