Itinalaga ni Pangulong Rodrigo Duterte si Department of Agriculture Secretary Manny Piñol bilang bagong chairman ng National Food Authority (NFA) Council.
Sa pamamagitan ito ng inilabas na executive order na nilagdaan ng Pangulo noong Lunes, ika-17 ng Setyembre.
Papalitan ni Piñol ang dating pinuno ng NFA Council na si Cabinet Secretary Leoncio ‘Jun’ Evasco.
Ayon din sa EO, maaaring magtalaga si Piñol ng isang undersecretary upang gumanap bilang chairman ng NFAC.
Bukod sa pagtatalaga kay Piñol, nakasaad din sa EO ang pormal na paglilipat ng NFA, Philippine Coconut Authority (PCA) at Fertilizer and Pesticides Authority (FPA) sa ilalim ng pangangasiwa ng Department of Agriculture (DA).
