Mariing itinanggi ni Retired General Hermogenes Esperon ang paratang ni Charlie “Atong” Ang na sangkot siya sa umano’y planong pagpatay sa gambling operator.

Batay sa alegasyon ni ang, kasabwat umano ni Esperon si Justice Sec. Vitaliano Aguirre at ilan pang mga heneral.

Kasama rin sa akusasyon ni Ang ang umano’y pagharang ni Esperon na makakuha ng permit ang kumpanya nito.

Bilang national security adviser, aminado si Esperon na aktibo siya sa kampanya ng Administrasyong Duterte laban sa iligal na mga pasugalan.

Ipinauubaya na lamang ni Esperon sa DOJ ang imbestigasyon sa mga paratang ni Atong Ang.

Kahapon, isang task force na ang binuo ng nbi para dito.

Bahala na rin aniya ang Senado kung papatulan ang panukala ni Senador Antonio Trillanes na imbestigahan ang mga alegasyon ng gaming operator.

(Roderic Mendoza)

Tags: Atong Ang, Sec. Hermogenes Esperon