MANILA, Philippines – Muling inilunsad ng Department of Health (DOH) ang school- based immunization program. Personal na binakunahan ni DOH Secretary Francisco Duque III ang ilang mag- aaral sa Signal Village National High School sa Taguig City Kahapon (July 3).
Ayon sa kalihim kailangan pa ring mapalawak ang immunization coverage sa bansa lalo na’t nag- deklara ng measles outbreak nitong Pebrero. Aniya kakaunti pa ang mga nagpapabakuna mula sa hanay ng mga mag- aaral. Mahigit 9-milyong mag- aaral ang target na mabigyan ng bakuna kontra tigdas ngayong school year 2019- 2020.
“Mababa pa rin, so iyan po mababa pa rin. That’s why we still need to aggressively pursue our national immunization program” ani DOH Secretary Francisco Duque III.
Nagsimula ng manumbalik sa National Capital Region (NCR) ang tiwala nila sa bakuna nguni’t kailangan ng agresibong kampanya para marami ang mabakunahan.
95% immunization coverage ang nais makumpleto ng doh ngayong taon upang maiwasan ang pagkakaroon ng paulit- ulit na outbreak sa Pilipinas
“May iba umiiyak dahik namatay isa dalawng anak dahil lang sa ayaw magpabakuna dahil nga bunsod ng maling impormasyon na kumakalat sa mga komunidad at minsan hindi naman talaga naippliwanag ng sapat.. Ang nagiging resulta ay amg kaaawa- awng bata na nagkakaroon ng komplikasyon gaya ng measles” ani DOH Secretary Francisco Duque III.
Libre ang bakuna kontra tigdas at booster doses ng tetanus diphteria sa mga mag- aaral mula kindergarten hanggang grade 7. Nilinaw naman ng doh na hindi sapilitan ang pagbabakuna dahil kailangan makita o ma-assess muna ang kondisyon ng isang bata at kailangan may parents’consent bago ito bakunahan.
Dagdag pa ni Secretary Duque, mababalewala ang pagpapatupad ng universal health care law sa bansa kung isasantabi ang pagbabakuna.
Samantala, naniniwala ang kalihim na unti- unti nang napapatay ang isyu ng dengvaxia scare sa bansa. Nag iingat na rin ang kagawaran upang huwag muling mawala ang tiwala ng publiko sa immunization program ng pamhalaan.
“I really should like to believe that the scare is over kung mawala na iyong fear e baka lax na naman ang mga tao, balewalain na naman hanggang sa magkaroon na naman ng another round or rounds o outbreaks which i think is unfortunate” ani ani DOH Secretary Francisco Duque III.
“Talagang bumagsak na po iyong kaso ng measles sa national capital region but hindi pa rin dapat tayo mag-relax” ani Ncr Doh Director Corazon Flores, Md
(Aiko Miguel | Untv News)
METRO MANILA – Nilinaw ng Department of Health (DOH) na walang naiulat na nasawi dahil sa Monkeypox na tinatawag na ngayong MPOX.
Ayon kay Health Assistant Secretary Albert Domingo, walang pasyenteng nasawi sa MPOX mula sa anomang rehiyon ng bansa .
Nilinaw ito kasunod ng ulat na iniimbestigahan ng DOH sa Central Visayas ang pagkasawi ng isang 27-anyos na lalaki mula sa Negros Oriental, sa pinaghihinalaang kaso ng MPOX.
Paliwanag ni Asec. Domingo, halos magkahawig kasi ang mga butlig o sintomas ng chickenpox, shingles, herpes, at MPIX.
Kaya paalala niya na antayin ang opisyal na pahayag mula sa DOH at iwasan ang paggamit ng hindi beripikadong impormasyon.
METRO MANILA – Umakyat na sa 9 ang bilang ng mga nagpositibo sa sakit na Pertussis sa buong Caraga region mula January 1 hanggang kahapon, June 3.
Ayon sa Department of Health (DOH), mula sa 5 ay naging 9 ang nagpositibo sa rehiyon sa pagpasok ng buwan ng hunyo. 7 rito ay mula sa Surigao Del Norte habang tig-1 naman sa Agusan Del Norte at Agusan Del Sur.
Samantala, nasa 7 naman ang bagong suspected cases na naitala sa rehiyon. Sa ngayon 3 na ang nasawi dahil sa sakit na Pertussis sa Caraga.
Paalala ng kagawaran sa publiko na ang nasabing sakit ay nagsisimula lamang sa mild cough at lagnat na umaabot hanggang 2 Linggo, at pag-ubo naman na umaabot hanggang 6 na Linggo kaya mas maiging magpatingin agad sa doktor kung makaranas ng mga sintomas na ito upang hindi na lumala pa.
METRO MANILA – Binalaan ni House Deputy Majority Leader at dating Department of Health (DOH) Secretary Janette Garin ang publiko laban sa paggamit ng vape.
Kasunod ito ng naitalang kauna-unahang kaso ng pagkamatay sa Pilipinas dahil sa paggamit nito kung saan ang isang 22 anyos na lalaki ang nasawi matapos ang tuloy-tuloy na paggamit ng vape sa loob ng 2 taon.
Sa isang pahayag, sinabi ng mambabatas na kailangan mamulat na ang lahat sa panganib ng paggamit ng naturang device lalo na sa mga kabataan dahil sa masamang epekto nito sa katawan na maaaring mauwi sa kamatayan.
Ikinababahala ni Representative Garin ang mga ulat na nagsasabing may mga kabataang edad 13 anyos ang nahuling gumagamit na ng e-cigarette at vapes kaya muli nitong binigyang-diin na hindi safe na gawing alternatibong paraan ang nasabing kagamitan para maiwasan ang paninigarilyo.
