Saudi Arabia, pinutol na ang diplomatic ties sa Iran

by Radyo La Verdad | January 4, 2016 (Monday) | 1774

Pinutol na ng Saudi Arabia ang diplomatic relations nito sa Iran kasunod ng panibagong tensyon sa dalawang bansa.

Noong Sabado pinasok ng mga galit na tagasuporta ni Shia Muslim Cleric na si Sheikh Nimr Al-Nimr ang embahada ng Saudi Arabia sa Tehran.

Si Al-Nimr ay kabilang sa 47 bilanggong binitay matapos mahatulan na guilty sa bintang na terorismo.

Ayon kay Saudi Foreign Minister Adel Al-Jubeir paglabag sa international agreements ang ginawang pagatake sa kanilang embahada.

Bunsod nito, inatasan na ang lahat ng Iranian diplomats na lisanin ang Saudi Arabia sa loob ng 48 oras.