METRO MANILA – Ipinahayag ni Task Force El Niño Spokesperson Assistant Secretary Joey Villarama sa publiko na magtipid.
Aniya hindi naman magkakaroon ng shortage sa supply ng pagkain at tubig sa bansa ngayong nararanasan na ang epekto ng el niño phenomenon.
At kahit marami na ang nakikitang report tungkol sa mga natutuyong palayan at bitak na mga lupa, paliwanag ni Asec. Villarama na nagbigay rin ng kasiguraduhan ang Department of Agriculture (DA) na mayroong sapat na suplay ng bigas ang bansa.
Sa ngayon ay dry harvest season na kung saan ina-ani na ang mga nakaraang itinanim na mga palay kaya may inaasahan pa ring papasok na bigas.
Siniguro rin ng da na may sapat na suplay ng mga pangunahing produkto gaya ng manok, baboy, mais at asukal. Anila sa kasalukuyan ay may over supply pa nga ng itlog sa bansa
Pagdating naman sa suplay ng tubig, ayon kay Asec. Villarama, mayroong sapat na imbak sa mga dam at hindi pa kinakailangang magbawas ng alokasyon sa mga konsumer.
Ayon naman kay Engr. Eduardo Guillen, ang administrator ng National Irrigation Administration napaghandaan na rin nila ang posibleng epekto ng el niño sa supply ng tubig kaya’t kakaunting mga lugar lamang ang apektado ang irigasyon.
Dagdag pa ng opisyal na sa pamamagitan ng karagdagang budget na nagagamit sa mga irigasyon ay natutulungan din ang mga magsasakang apektado ng el niño.
METRO MANILA – Tiniyak ni Pangulong Ferdinand Marcos Junior na maihahatid ang tulong para sa mga residenteng naapektuhan sa pananalasa ng bagyong Aghon.
Ayon kay PBBM, inatasan na nito ang Department of Social Welfare and Development (DSWD), Department of Agriculture (DA) at Department of Health (DOH) na ihatid ang lahat ng tulong at suportang medikal sa mga biktima ng bagyo.
Reresponde rin kaagad aniya ang pamahalaan upang maisaayos ang mga nasirang imprastraktura.
Siniguro rin ni Pangulong Marcos na may nakaantabay pang pondo para sa typhoon-hit areas.
METRO MANILA – Umabot na sa mahigit 4.5 milyong indibidwal ang bilang ng mga naapektuhan ng El Niño phenomenon sa bansa.
Ayon sa Department of Social Welfare and Development (DSWD), nasa 1,181,568 na pamilya mula sa 6,017 barangay sa 14 na rehiyon ang apektado.
Kabilang sa mga apektadong rehiyon ang Ilocos region, Cagayan Valley, Central Luzon, Mimaropa, Bicol region, Western Visayas, Central Visayas, Eastern Visayas, Zamboanga Peninsula, Northern Mindanao, Davao Region, Soccsksargen, Cordillera Administrative Region, at BARMM.
Dagdag pa rito, sinabi ng dswd na nabigyan na ng P372.4-M na humanitarian assistance ang mga apektadong indibidwal.
Mayroon namang P3.2-B na magagamit na relief resources ang kagawaran, kung saan P607.9-M ang inilaan para sa standby funds at P2.6-B naman ang para sa food at non-food items.
Ayon sa National Disaster Risk Reduction and Management Council, hanggang May 13, umabot na sa 280 na Local Government Units (LGU) ang nagdeklara ng state of calamity dahil sa matinding init.
METRO MANILA – Umabot na sa P5.9-B ang naging damage sa agrikultura ng bansa dahil sa patuloy na pag-iral ng El niño phenomenon.
Ayon sa kagawaran ng agrikultura, pinaka-malaki ang naitalang pinsala sa rice sector na umabot na sa P3.1-B na halaga ng pagkalugi.
Kabilang sa mga pinaka-napinsalang rehiyon sa bansa ang Mimaropa, Cordillera Administrative Region, at Western Visayas.
Ayon kay DA Assistant Secretary Arnel De Mesa, nakatulong sa pagpapagaan ng mga epekto ng El niño ang maagang pagpaplano, rehabilitasyon at mitigation measures ng kagawaran, partikular na ang sa National Irrigation Administration (NIA).
