METRO MANILA – Inilunsad ng pamahalaang lungsod ng San Juan ang kanilang programang “Libre Gamot para sa Makabagong San Juan”.

Ito ay para sa mga residente ng San Juan City na sumasailalim sa gamutan tulad ng diabetes at hypertension. Sila ay makakakuha ng libreng gamot sa pamamagitan ng programang ito.

Matatagpuan ang “Makabagong San Juan” medicine booths sa Autrium ng City hall magsisimula ang kanilang operasyon mula 8 a.m hanggang 5 p.m, Lunes hanggang Biyernes.

Limang tao sa bawat araw lang ang pinapayagan pumasok sa medicine booth bilang pagsunod sa mga ipinapatupad na protocol kontra COVID-19 at may mga numero na ibinibigay sa mga pumipila.

Bukod sa mga city hall booths ang mga residente ng San Juan ay makakakuha ng libreng gamot sa village health centers.

Kung ang mga iniresetang gamot ay hindi available sa booths ang mga residente ay maaaring magtungo sa Public Assistance Center na maaaring magbigay ng pinansiyal na tulong para sa pagbili ng gamot mula sa pribadong botika.

(Jeth Bandin | La Verdad Correspondent)