Kopya ng SALN ng Pangulo
Tumaas ng P1.8M ang yaman ni Pangulong Benigno Aquino III base sa isinumite nitong Statement of Asset, Liabilities and Net Worth (SALN) mula taong 2013 hangang 2014.
Sa isinuniteng SALN ng pangulo, nakasaad ang networth na P68,311,644 mula sa dating P66,494,183.
Kabilang sa nakatala ay ang hindi bababa sa P32 million na halaga ng kanyang real properties.
Kabilang dito ang house and lot sa Quezon City, residential lot sa Tarlac City, commercial lot sa San Juan City, at agricultural lot sa Tarlac.
Bukod dito, nakasaad din sa net worth ng Pangulo ang hindi bababa sa P30 million na cash on hand at nasa bangko at ang tatlong milyong piso na halaga ng motor vehicle.
Paliwanag naman ni Deputy Presidential Spokesperson Abigail Valte, ang pagtaas ng net worth ng Pangulo ay dahil sa tinanggap na sahod nito, kinitang interest at 20% shares ng ari-arian na minana nito mula sa partido ng pamilya Sumulong sa panig ng kaniyang ina na si Cory Aquino. (Jerico Albano/UNTV Radio)
Tags: Pangulong Aquino, SALN
METRO MANILA – Muling kinwestyon ang Malakanyang kung bakit hindi nito maihayag sa publiko ang yaman Ni Pangulong Rodrigo Duterte kasunod ng paglalabas ng Statement of Assets, Liabilities and Networth (SALN) ng mga senador.
Kaya upang matapos na ang usapin kaugnay ng SALN ng pangulo, personal na kakausapin ni Presidential Spokesperson Harry Roque ang presidente hinggil ditto. Aniya, tatanungin niya ito kung maaari na bang ilabas sa publiko ang saln ng punong ehekutibo.
“Mag-uusap po kami ng ating president at para matapos na po itong issue na ito, ay tatanungin ko po baka naman po magbigay ng permiso ang president para isapubliko ang kaniyang saln pero wala pong itinatago ang ating president, bago po maglabas ng ganitong guidelines ang ombdusman, taon-taon naman po inilalabas ng president ang kaniyang SALN.” ani Presidential Spokesperson Harry Roque.
Kinukwestyon ang hakbang ng presidenteng palawigin ang task force na mag-iimbestiga sa katiwalian sa gobyerno gayung hindi umano maisapubliko ng presidente ang wealth declaration nito.
Sa ulat ng Philippine Center for Investigative Journalism (PCIJ), taong 2016 at 2017 lang naisapubliko ang SALN ng presidente subalit hindi na ito available mula 2018 hanggang 2019.
Muling iginiit ng Malacañang na sumusunod lamang ang administrasyong duterte sa panuntunan ng Office of the Ombudsman kaugnay ng SALN.
“Well, kagaya ng sinabi ko po, tatanungin po natin iyan sa presidente. Kasi ang kaniyang posisyon bilang isang abogado, sundin naman ang guidelines ng ombudsman.” ani Presidential Spokesperson Harry Roque.
(Rosalie Coz | UNTV News)
Tags: Pres. Duterte, SALN
Mahigit tatlong daang reklamo laban sa mahigit tatlong daang local chief executives ang ipinarating sa government hotline na 8888 at action center ng DILG simula 2016.
Kabilang sa mga reklamo ang hindi pagdideklara ng tamang impormasyon sa kanilang Statement of Assets Liabilities and Networth (SALN).
Pangalawa aniya ay ang anomalya sa bidding at mga proyektong hindi aprubado ng sanggunian.
Kabilang din sa mga reklamong natanggap ng pamahalaan ay iligal na pagre-release ng pondo, unliquidated cash at nepotism kung saan puro magkakaanak ang nakapwesto sa gobyerno.
Ayon sa tagapagsalita ng DILG na si Assistant Secretary Jonathan Malaya, humingi na sila ng tulong sa CIDG kaugnay sa isasagawang imbestigasyon.
Nauna nang kinumpirma ni PNP Chief Oscar Albayalde na nagpadala ng ng subpoena ng CIDG sa tanggapan ng ilang lokal na opisyal.
Ang makakalap na impormasyon ng PNP ay ipapasa naman sa Ombudsman para sa pagsasampa ng kaukulang reklamo.
Pero para kay Political Science Professor Ela Atienza, maaari aniyang mabahiran ng kulay pulitika ang hakbang na ito ng DILG at PNP.
“Ang fear nila ay malapit na kasi ang election, yung timing din ng pagkakaroon ng investigation, ang nangyayari dati may mga instances na ang tatakbo o tumatakbo o kaya oposisyon o mga mayors, mga governors minsan nagagamit ang DILG para gipitin sila.” – pahayag ni Professor Ela Atienza.
Karamihan sa mga inireklamong lokal na opisyal ay mula sa Luzon, kasunod ang Visayas at pumapangatlo ang Mindanao.
( Lea Ylagan / UNTV Correspondent )
Tags: DILG, local chief executives, SALN
Kinumpirma ni Justice Secretary Menardo Guevarra na si Associate Justice Teresita Leonardo-De Castro ang napiling bagong chief justice ni Pangulong Rodrigo Duterte.
Ayon sa kalihim, sa Martes ilalabas ang formal appointment nito.
Gayunman, kulang dalawang buwan na lamang ang ipagsisilbi ni De Castro bilang tagapanguna ng kataas-taasang hukuman sa bansa dahil sasapitin nito ang mandatory age of requirement na 70 taong gulang sa ika-8 ng Oktubre.
Si De Castro ay appointee sa Korte Suprema ni dating Pangulong Gloria Arroyo noong taong 2007. Naging presiding justice din ito ng Sandiganbayan noong 2004.
Papalitan ni De Castro si dating Chief Justice Maria Lourdes Sereno na pinawalang bisa ng Korte Suprema ang appointment dahil sa hindi pagsasapubliko ng kaniyang Statement of Assets, Liabilities and Networth (SALN).
Isa si De Castro sa bumoto pabor sa quo warranto petition na isinumite laban kay Sereno.
Samantala, binati naman ng Malacañang si De Castro at sinabing karapat-dapat ito sa pwesto dahil sa kakayahan nito at pagiging judicial activist.
Si De Castro ang pinaka-senior sa lahat ng miyembro ng Korte Suprema.
( Rosalie Coz / UNTV Correspondent )
Tags: CJ Teresita De Castro, Korte Suprema, SALN
